Komodo-lughawe

Komodo-lughawe (Indonesies: Bandar Udara Komodo) is 'n lughawe naby die dorpie Labuan Bajo op die eiland Flores in die Oos-Nusa Tenggara-provinsie, Indonesië. Die lughawe se naam kom van Labuan Bajo se status as 'n vertrekpunt vir toere na die nabygeleë Komodo Nasionale Park, die tuiste van die komododraak.

Binnekant van Komodo-lughawe

Die bagasie-afhaalarea van Komodo-lughawe

Dit was voorheen bekend as Mutiara II-lughawe, om nie te verwar met Mutiara-lughawe wat naby die stad Palu in Indonesië se Sentraal-Sulawesi-provinsie geleë is nie. In September 2013 het die eerste Boeing 737-800 geland en weer suksesvol opgestyg.

Fasiliteite

Die lughawe sal na verwagting tot 4 miljoen passasiers per jaar akkommodeer. Die aanloopbaan sal ook van 2 250 meter tot 2 750 meter verleng word, terwyl die randplaveisel tot 20 200 vierkante meter uitgebrei word. Die binnelandse terminaal sal tot 6 500 vk meter uitgebrei word, en 'n internasionale terminaal sal gebou word met 'n oppervlakte van 5 538 vk meter met verskeie ander ondersteunende fasiliteite.

Lugrederye en bestemmings

'n Riau Airlines Fokker 50 by Komodo-lughawe

'n Garuda Indonesia CRJ 1000 Bombardier by Komodo

Passasiers

Redery	Stad
Batik Air	Denpasar–Ngurah Rai, Djakarta–Soekarno-Hatta
Citilink	Denpasar–Ngurah Rai, Djakarta–Soekarno-Hatta, Kupang
Garuda Indonesia	Denpasar–Ngurah Rai, Djakarta–Soekarno-Hatta
Indonesia AirAsia	Denpasar–Ngurah Rai, Djakarta–Soekarno-Hatta, Surabaya
Super Air Jet	Surabaya
Wings Air	Bajawa, Ende, Maumere