Kowloon

Kowloon (Tradisionele Chinees: 九龍; Vereenvoudigde Chinees: 九龙; pinyin: Jiǔlóng) is 'n gebied in Hongkong.

Kowloon 九龍 / Gáulùhng
Stad
Kowloon gesien van Hongkong-eiland
Byname:  Draakstad"
Kowloon
Koördinate: 22°19′N 114°11′O
Land	Volksrepubliek China
Spesiale administratiewe streek	Hongkong
Oppervlak
• Totaal	67 km2 (26 vk. myl)
Bevolking
• Totaal	2 108 419
• Digtheid	43 033/km2 (111 450/vk. myl)

In die hedendaagse Hongkong staan die naam Kowloon vir die distrik wat bestaan uit die Kowloon-skiereiland en New Kowloon. Hierdie gebied word begrens deur die Lei Yue Mun-kanaal in die ooste, Mei Foo Sun Chuen en Stonecutters-eiland in die weste, Tate's Cairn en Lion Rock in die noorde, en Victoria Harbour in die suide. Die bevolking het in 2011 op 2 108 419 gestaan. As gevolg van die klein oppervlak van Kowloon (67 km²), is die bevolkingsdigtheid uiters hoog, nl. 43 000 inwoners/km².

Ná die Hongkong-eiland was Kowloon die eerste gebied wat in 1849 onder Britse bewind gekom het en uiteindelik deel geword het van die kroonkolonie van Hongkong. Saam met Hongkong-eiland is Kowloon verantwoordelik vir 47% van die totale bevolking van Hongkong.

Ligging

Kowloon is noord van die Hongkong-eiland, oorkant die Victoria-hawe, geleë. Dit is suid van die New Territories geleë, en aangrensend aan die vasteland van China (Volksrepubliek China).

Gebiede in Kowloon

Wyehoekskoot van Kowloon

Distrikte

• Kowloon City-distrik
• Kwun Tong-distrik
• Sham Shui Po
• Wong Tai Sin-distrik
• Yau Tsim Mong-distrik

Sommige woonbuurte

• Yau Ma Tei
• Tsim Sha Tsui
• Mong Kok
• Kowloon Walled City
• Kwun Tong
• Tsim Sha Tsui-Oos

Suid-Kowloon is die tuiste van Mong Kok en Tsim Sha Tsui, een van die besigste toeristegebiede in Hongkong.

Verkeer

Hongkong (en dus ook Kowloon) het een van die besfunksionerende openbare vervoerstelsels. Dit verander nie die feit dat daar soms lang toue tydens spitstye kan ontstaan nie. Die hoofweg is Nathan Road.

Openbare vervoer

Daar is verskillende tipes openbare vervoer wat geheel of gedeeltelik deur Kowloon loop:

• MTR (Tsuen Wan Line (metro), Kwun Tong Line (metro), Airport Express (lughawe metro), Tung Chung Line (metro), East Rail Line (trein) en West Rail Line (trein))
• Busdiens gelewer deur KMB, Kowloon Motorbus Company, met kruis-hawelyne deur Citybus en New World First Bus
• Minibus (of Maxicab, rooi of groen)
• Taxi (rooi)

Eksterne skakels

• Wikimedia Commons het meer media in die kategorie Kowloon.