Maak hoofkeuseskerm oop

La Rochelle is 'n voorstad van Johannesburg, Suid-Afrika. Dit is in Johannesburg se F-streek geleë. Dit is 4 km suidoos van die Johannesburgse stadsaal geleë, noord van Rosettenville en wes van Regents Park.

La Rochelle
Ligging van La Rochelle op 'n kaart (Gauteng)
La Rochelle
La Rochelle
 La Rochelle se ligging in Gauteng
Koördinate: 26°14′9″S 28°3′16″O / 26.23583°S 28.05444°O / -26.23583; 28.05444Koördinate: 26°14′9″S 28°3′16″O / 26.23583°S 28.05444°O / -26.23583; 28.05444
Land Vlag van Suid-Afrika Suid-Afrika
Provinsie Gauteng
Munisipaliteit Stad Johannesburg
Oppervlak[1]
 - Voorstad 0,83 km²  (0,3 vk m)
Bevolking (2011)[1]
 - Voorstad 5 131
 - Digtheid 6 182/km² (16 011,3/myl2)
Rasverdeling (2011)[1]
 • Blank 6.7%
 • Indiër/Asiër 1.0%
 • Kleurling 4.6%
 • Swart 87.7%
 • Ander 0.1%
Taal (2011)[1]
 • Zoeloe 18.6%
 • Engels 16.1%
 • Xhosa 9.5%
 • Tsonga 6.0%
 • Ander 49.7%
Skakelkode(s) 011

GeskiedenisWysig

La Rochelle is in 1895 aangelê op die plaas Turffontein en genoem na die La Rochelle-landgoed, wat behoort het aan Josias Eduard de Villiers, wat op sy beurt genoem is na die seehawe La Rochelle in Frankryk van waar die laaste Franse Hugenote na die Kaap gevaar het. La Rochelle is ook die ou naam van die eertydse NG gemeente Turffontein, wat in 1906 gestig is as die eerste gemeente van die Afrikaanse Susterkerke in die suide van Johannesburg. Met die afstigting van die NG gemeente Rosettenville in 1938 het die voorstad La Rochelle binne die nuwe gemeente se grense geval en moes die moedergemeente se naam verander word. Hoewel La Rochelle onder die ou bedeling 'n blanke groepsgebied was, het die wit bevolking teen die sensus van 2011 afgeneem tot net 6,7%, vergeleke met die swart inwoners se aandeel van 87,7%.

Tussen die 1930's en 1960's het La Rochelle se karakter verander van oorwegende Engels na toenemend gelykop. In 1934 was 277 van die munisipale kiesers Afrikaanssprekend, maar 1 180 Engelssprekend. In 1949 was die verdeling 552 en 990, maar teen 1961 het die Afrikaanssprekendes die topplek ingeneem met 826 kiesers, vergeleke met 799 Engelssprekendes. Die enigste twee skole destyds in La Rochelle was die Laerskool La Rochelle, gestig in 1920, en St. Rosa's Convent. Die Rosettenville Junior Scholl was net anderkant die grens met Rosettenville.

BronWysig

  • (en) Raper, Peter Edmund. 2004. New Dictionary of South African Place Names. Johannesburg & Cape Town: Jonathan Ball Publishers.

VerwysingsWysig

  1. 1,0 1,1 1,2 1,3 "Subplek La Rochelle". Sensus 2011.

Sien ookWysig


  Hierdie artikel omtrent 'n plek in Johannesburg is slegs ’n saadjie. Jy kan Wikipedia help deur dit uit te brei.