Laerskool Dirkie Uys, Orchards
Die Laerskool Dirkie Uys was ’n laerskool in die Johannesburgse voorstad Orchards.
Die skool het in 1928 ontstaan as die Norwoodse Afrikaansmediumskool. In 1929 is die naam verander na die Afrikaanse Laerskool Orchards. In 1933 is die naam weer verander, dié keer na die Laerskool Dirkie Uys, wat onderrig aan laerskoolleerlinge uit omliggende voorstede soos Norwood, Oaklands, Victoria, Orange Grove en Sydenham gebied het. Tot die jaar 2000 was die naam Dirkie Uys. Toe is die naam verander na Orchards Primary School en het die skool uitsluitlik Engelsmedium geword.
In 1994 het die skool net 165 leerlinge oorgehad. In 1995 het dit verander na ’n Afrikaanse en Engelse skool volgens die parallelmediummodel en teen 1997 het die leerlinge toegeneem tot 253, verdeel in afsonderlike Afrikaanse en Engelse klasse.[1] Christo Lodder was die skoolhoof van 1992 tot 1998 tydens die omskakeling na die parallelmediummodel.[2]
Verwysings wysig
- ↑ (af) Taalharmonie hier al singende geleer Afrikaans wen by dié skool, Beeld, 23 Oktober 1997. URL besoek op 8 Februarie 2018.
- ↑ (af) Het jy gehoor?, Beeld, 3 Junie 1998. URL besoek op 8 Februarie 2018.
Eksterne skakels wysig
- (af) Laer skole gee kinderhuis kos en klere Genoeg om 'n vragmotor te vul, Beeld, 29 November 1996. URL besoek op 8 Februarie 2018.