Leonid Pasternak

Leonid Osipowitsj Pasternak (gebore as Jitzhok-Leib, of Isaak Iosifowitsj, Pasternak; Russies: Леони́д О́сипович Пастерна́к, 3 April 1862 (N.S.) – 31 Mei 1945) was 'n Russiese postimpressionistiese skilder. Hy was die vader van die digter en romansier Boris Pasternak.[1] [2]

Selfportret (1908)

In 1900 het hy 'n medalje ontvang tydens die Paryse Wêreldskou vir sy illustrasies van Tolstoi se romans. In 1905 is hy verkies as 'n lid van die Ryksakademie vir Kunste. Hy het ook klas gegee aan die Moskouse Skool van Beeldhou, Skilderkuns en Argitektuur.

In 1921 het Pasternak 'n oogoperasie benodig, wat geskeduleer is om in Berlyn uitgevoer te word. Hy het saam met sy vrou en twee dogters, Lidia en Josephine, soontoe gereis, en sy seuns Boris en Aleksander in Rusland agtergelaat. Na die operasie het hy besluit om nie na Rusland terug te keer nie, en tot 1938 in Berlyn gebly, toe hy toevlug geneem het van die Nazi's in Groot-Brittanje. In 1924 het hy 'n portret van Albert Einstein geskilder (nou in die Wiskunde- en Rekenaarwetenskapbiblioteek van die Hebreeuse Universiteit van Jerusalem[3]). Hy het op 31 Mei 1945 in Oxford gesterf.

Werke wysig

Verwysings wysig

  1. Christopher Barnes, Boris Pasternak: A Literary Biography, p. 2.
  2. Boris Pasternak, I Remember; Sketches for an Autobiography, Pantheon Books, 1959, pp. 27–28.
  3. Albert Einstein Portrait by Leonid Pasternak. Mathematics and Computer Science Library of the Hebrew University of Jerusalem, 2016

Eksterne skakels wysig