Lilli Pilli

Lilli Pilli is 'n klein woonbuurt in die suide van Sydney, in die Australiese deelstaat Nieu-Suid-Wallis. Lilli Pilli is sowat 26 kilometer ten suide van Sydney se sentrale sakekern geleë in die plaaslike regeringsgebied van die Sutherland Shire. Daar is ook 'n ander Lilli Pilli in Nieu-Suid-Wallis (poskode 2536) wat 12 kilometer suid van Batemans Bay geleë is.

Lilli Pilli
Voorstad
Lilli Pilli Point
Lilli Pilli Ligging van Lilli Pilli in Nieu-Suid-Wallis
Koördinate: 34°04′06″S 151°06′57″O
Land	Australië
Deelstaat	Nieu-Suid-Wallis
Stad	Sydney
Oppervlak
• Totaal	0,9 km2 (0,3 vk. myl)
Bevolking
• Totaal	1 280
• Digtheid	1 420/km2 (3 680/vk. myl)
Tydsone	UTC+10:00 (AEST)
Poskode	2229

Geskiedenis

Winkels in Lilli Pilli

'n Kleuterskool in Lilli Pilli

Lilli Pilli is vernoem na 'n inheemse soort Mirtebos wat die Lilly Pilly heet en op die punt groei. Thomas Holt (1811-88) was die aanvanklike eienaar van die grondgebied wat van Sutherland tot na Cronulla gestrek het, insluitende die punt. In 1840 het kaarte ook aangedui dat sowat 20 akker van die grond aan die punt aan 'n sekere Francis Mitchell behoort het. Die publieke skool het in 1957 oopgemaak.

Geografie

Lilli Pilli is aan die noordelike oewer van die Port Hacking mondingsmeer. Die enigste aangrensende woonbuurte is Caringbah, Port Hacking en Dolans Bay. Die dorpies Maianbar en Bundeena is aan die oorkantste oewer van Port Hacking geleë.

Lilli Pilli word omring deur Gannons Bay, Little Turriel Bay, die Port Hacking-rivier en Great Turriel Bay. Lilli Pilli Point is aan die einde van Lilli Pilli Point Road geleë. Op die punt is 'n reservaat geleë wat op die Royal National Park uitkyk. Die reservaat is 'n goed beskutte piekniekarea. 'n Rotslys loop al langs die noordelike punt vanwaar baie gewilde visvangplekkies gevind kan word tot by Little Turriel Bay.

Eksterne skakels

• Wikimedia Commons het meer media in die kategorie Lilli Pilli.