Maanafstand
Maanafstand is ’n meeteenheid in sterrekunde. Dit is die gemiddelde afstand tussen die middelpunt van die Aarde en dié van die Maan. Meer tegnies gesproke is dit die gemiddelde halwe lengteas van die geosentriese wentelbaan van die Maan. Dit word ook die Aarde-Maan-afstand of afstand na die Maan genoem en word dikwels aangedui as LD of .[1]
Die gemiddelde halwe lengteas het ’n waarde van 384 402 km.[2] Die werklike afstand wissel na gelang van die Maan se wentelbaan, van 356 500 km by sy perigeum (naaste afstand) tot 406 700 km by sy apogeum (verste afstand), dus ’n verskil van 50 200 km.[3]
Maanafstand word gewoonlik gebruik om die afstand van naby-aarde-voorwerpe aan te dui.[4] Dit is ook ’n belangrike astronomiese data; dit help in die toets van swaartekragteorieë, soos algemene relatiwiteit,[5] en die verfyning van ander astronomiese waardes soos aardmassa,[6] aardradius[7] en die Aarde se rotasie.[8]
Millimeter-presisie-metings van die maanafstand word gedoen deur die tyd te meet waarin lig beweeg tussen laserstasies op die Aarde en retro-reflektors wat op die Maan geplaas is.
Waardes
wysig| Eenheid | Gemiddelde waarde | Onsekerheid | Verwysing |
|---|---|---|---|
| meter | 3,84402×108 | 1,1 mm | [2] |
| kilometer | 384 402 | 1,1 mm | [2] |
| aardradiusse | 60,32 | [9] | |
| AE | 1388,6 = 0,00257 | [10][11] | |
| ligsekondes | 1,282 s | 37,5 ps | [2] |
Asteroïdes
wysigGroot asteroïdes wat binne maanafstand van die aarde kom word as sodanig aangedui. Asteroïde 1998 OR2, byna 100 meter in deursnee, is op 29 April 2020 deur die Arecibo-sterrewag in Puerto Rico op radar waargeneem toe dit binne 3,3 miljoen kilometer van die aarde was. Eers op 7 Junie 2020 het sterrekundiges in Hawaii besef dat 1998 OR2 teen 97 890 km/h relatief tot die aarde beweeg. Die Europese Ruimtevaartorganisasie het na berekening van die wentelbaan bevestig dat dit twee dae tevore slegs 0,8 maanafstande van die aarde af verbygetrek het, en die benaming 2020 LD is gevolglik toegeken.[12]
Verwysings
wysig- ↑ Groten, Erwin (1 April 2004). "Fundamental Parameters and Current (2004) Best Estimates of the Parameters of Common Relevance to Astronomy, Geodesy, and Geodynamics by Erwin Groten, IPGD, Darmstadt" (PDF). Journal of Geodesy. 77 (10–11): 724–797. doi:10.1007/s00190-003-0373-y. Besoek op 2 Maart 2016.
- ↑ 2,0 2,1 2,2 2,3 Battat, J. B. R.; Murphy, T. W.; Adelberger, E. G. (Januarie 2009). "The Apache Point Observatory Lunar Laser-ranging Operation (APOLLO): Two Years of Millimeter-Precision Measurements of the Earth-Moon Range". Astronomical Society of the Pacific. 121 (875): 29–40. doi:10.1086/596748. Besoek op 27 Februarie 2016.
- ↑ Murphy, T W (1 Julie 2013). "Lunar laser ranging: the millimeter challenge" (PDF). Reports on Progress in Physics. 76 (7): 2. doi:10.1088/0034-4885/76/7/076901.
- ↑ "NEO Earth Close Approaches". Neo.jpl.nasa.gov (in Engels). Geargiveer vanaf die oorspronklike op 9 April 2017. Besoek op 22 Februarie 2016.
- ↑ Williams, J. G.; Newhall, X. X.; Dickey, J. O. (15 Junie 1996). "Relativity parameters determined from lunar laser ranging" (PDF). Physical Review D. 53 (12): 6730–6739. doi:10.1103/PhysRevD.53.6730.
- ↑ Shuch, H. Paul (Julie 1991). "Measuring the mass of the earth: the ultimate moonbounce experiment" (PDF). Proceedings, 25th Conference of the Central States VHF Society. American Radio Relay League: 25–30. Besoek op 28 Februarie 2016.
- ↑ Fischer, Irene (Augustus 1962). "Parallax of the moon in terms of a world geodetic system" (PDF). The Astronomical Journal. 67: 373. doi:10.1086/108742.
- ↑ Dickey, J. O.; Bender, P. L.; et al. (22 Julie 1994). "Lunar Laser Ranging: A Continuing Legacy of the Apollo Program" (PDF). Science. 265 (5171): 482–490. doi:10.1126/science.265.5171.482.
- ↑ Lasater, A. Brian (2007). The dream of the West : the ancient heritage and the European achievement in map-making, navigation and science, 1487-1727. Morrisville: Lulu Enterprises. p. 185. ISBN 978-1-4303-1382-3. Besoek op 28 Februarie 2016.
- ↑ Leslie, William T. Fox; geïllustreer deur Clare Walker (1983). At the sea's edge : an introduction to coastal oceanography for the amateur naturalist. Englewood Cliffs, N.J.: Prentice-Hall. p. 101. ISBN 978-0130497833.
{{cite book}}: AS1-onderhoud: meer as een naam (link) - ↑ Williams, Dr. David R. (18 November 2015). "Planetary Fact Sheet - Ratio to Earth Values" (in Engels). Nasa Goddard Space Flight Center. Geargiveer vanaf die oorspronklike op 14 Mei 2020. Besoek op 28 Februarie 2016.
- ↑ Chauhan, Shreya (7 Julie 2020). "Biggest Asteroid To Fly Between Earth & Moon Almost Passed By Undetected, Scientists Made Discovery 2 Days Later". indiatimes.com. IndiaTimes. Besoek op 10 Julie 2020.