Maak hoofkeuseskerm oop

Margot Honecker (néé Feist, * 17 April 1927 in Halle; † 6 Mei 2016 in Santiago de Chile) was 'n Oos-Duitse kommunistiese politikus wat in die tydperk van 1963 tot 1989 die amp van Minister van Volksonderwys beklee het. Honecker, wat as dogmatiese sosialis beskryf word,[1] het 'n beslissende rol by die vestiging van 'n unitêre onderwysstelsel in die voormalige Oos-Duitsland (Duitse Demokratiese Republiek, kort DDR) gespeel.

Margot Honecker
Margot Honecker
Margot Honecker in 1986

Eerste Dame van die Duitse Demokratiese Republiek
Ampstermyn
29 Oktober 1976 – 18 Oktober 1989
President Erich Honecker

Minister van Onderwys
Ampstermyn
1963 – 7 November 1989
President Walter Ulbricht
Willi Stoph
Erich Honecker
Egon Krenz
Eerste minister Otto Grotewohl
Horst Sindermann
Willi Stoph
Opgevolg deur Willi Stoph

Persoonlike besonderhede
Gebore (1927-04-17)17 April 1927
Halle, Duitse Ryk
Sterf 6 Mei 2016 (op 89)
Santiago de Chile, Chili
Politieke party SED
Eggenoot/eggenote Erich Honecker (1953–1994)
Kind(ers) 1
Stigting van die Duitse Demokratiese Republiek op 7 Oktober 1949. Margot Feist, die jongste afgevaardigde in die Volkskammer (parlement), wens die nuut verkose staatspresident Wilhelm Pieck geluk toe
Margot Honecker en Samora Moisés Machel, president van die destydse Volksrepubliek van Mosambiek, in 1983

Met die Politegniese Hoërskole, wat vanaf 1959 as algemene hoërskole ingevoer is en gedurende Margot Honecker se ampstermyn grotendeels onveranderd gebly het, is belangrike opvoedkundige hervormingsgedagtes uit die tyd van die Republiek van Weimar verwesenlik (alhoewel hul DDR-variant gepaard gegaan het met die rigiditeit en onaanpasbarheid van die heersende ideologie) en toegang tot sekondêre en tersiêre opleiding ook vir kinders uit die werkersklas verseker. Omstrede was haar besluit om Wehrkundeunterricht of praktiese wapenopleiding as verpligte skoolvak in te voer.

Sy was getroud met Erich Honecker, voormalige leier van die DDR. Ná die vreedsame politieke omwenteling in die DDR in 1989 het die Honeckers aanvanklik in 1991 na Moskou gevlug, was egter genoodsaak om na Duitsland terug te keer nadat Erich Honecker weens die skietbevel langs die Berlynse Muur en die grens tussen Oos- en Wes-Duitsland aangekla is. Die hofsaak is later gestaak.

In 1992 het Margot Honecker en een jaar later ook haar man na Santiago de Chile verhuis waar albei tot hul afsterwe in onderskeidelik 1994 en 2016 by hul dogter gebly het.

VerwysingsWysig

Eksterne skakelsWysig