Mark Wahlberg

Amerikaanse akteur
(Aangestuur vanaf Marky Mark)

Mark Robert Michael Wahlberg (gebore op 5 Junie 1971)[1] is ’n Amerikaanse akteur, rolprentvervaardiger, sakeman, voormalige model (wat veral bekend was vir sy Calvin Klein-onderklere-advertensies wat deur Herb Ritts gefotografeer is) en rapper. Hy was in sy vroeë jare bekend as Marky Mark toe hy in die musiekgroep Marky Mark and the Funky Bunch was.

Mark Wahlberg
'n Beeld van die betrokke persoonlikheid.
Wahlberg by ’n première van Shooter.

Geboortenaam Mark Robert Michael Wahlberg
Geboorte 5 Junie 1971 (1971-06-05) (52 jaar oud)
Aktiewe jare 1990-tans

Loopbaan wysig

Marky Mark and the Funky Bunch se albums sluit in Music for the People en You Gotta Believe. Wahlberg het later oorgeslaan na toneelspel en het in die 1990's verskyn in flieks soos die drama Boogie Nights en die satiriese oorlogskomedie-drama Three Kings. In die 2000's was hy in die biografiese rampfliek The Perfect Storm, die wetenskapsfiksieprent Planet of the Apes en Martin Scorsese se neo-noir-misdaaddrama The Departed. In die 2010's het hy rolle vertolk in die aksiekomedie The Other Guys, die biografiese sportdrama The Fighter, die komedie Ted, die oorlogsprent Lone Survivor en die wetenskapsfiksiefliek Transformers: Age of Extinction.

Wahlberg was ook die uitvoerende vervaardiger van vier televisiereekse: Entourage (2004–'11), Boardwalk Empire (2009–'14), How to Make It in America (2010–'11) en Ballers (vanaf 2015). Hy is mede-eienaar van die Wahlburgers-kettinggroep en speel in die werklikheidsprogram daaroor. Wahlberg het op 29 Julie 2010 ’n ster gekry op die Hollywood Walk of Fame.

Verwysings wysig

  1. "Mark Wahlberg Biography: Film Actor, Rapper (1971–)" (in Engels). Biography.com (FYI/A&E Networks). Geargiveer vanaf die oorspronklike op 24 Maart 2019. Besoek op 14 Augustus 2010.

Eksterne skakels wysig