Marthinus de Villiers Lourens

   Hierdie artikel behoort versmelt te word met M.L. de Villiers.
Maak seker om die inhoud te skuif na die bladsy wat reeds aan Wikidata gekoppel is!
Indien altwee gekoppel is, sien hier.

Marthinus Lourens de Villiers is op 31 Julie 1885 in die Paarl gebore. Hy het hom eers as onderwyser bekwaam, maar het later predikant geword. Hy het veral bekendheid verwef as die komponis van Die Stem wat in 1957 as die amptelike volkslied van Suid-Afrika erken is. Hy het in 1919 reeds begin met die toonsetting van C.J. Langenhoven se Die Stem van Suid-Afrika en dit twee jaar later voltooi.

Van 1930 af het hy hom al hoe meer aan die musiek gewy en het onder meer 17 toere deur die land onderneem, waartydens hy ook talle skole besoek en demonstrasielesings, veral oor Afrikaanse musiek gegee het. Hy het ook baie skoolliedere geskryf en verdere bekendheid verwerf met sy instrumentale en vokale werke. Hy komponeer onder andere ses Afrikaanse kunsliedere: Komaan, Terugblik, ʼn Doornkroon, Die Branders, Lig en Donker, almal gedigte van Jan F.E. Celliers, en Rus in Stilte van I.D. du Plessis.

In 1940 is die silwerpenning van die Suid-Afrikaanse Akademie vir Wetenskap en Kuns aan hom toegeken. Hy is op 17 Mei 1977 op Wellington oorlede.

Bronnelys wysig