Martin Bester

Suid-Afrikaanse sanger, akteur, radio-omroeper en televisiepersoonlikheid

Martin Bester, gebore in Bethal, Oos-Transvaal, is 'n Suid-Afrikaanse sanger, akteur, radio-omroeper en televisiepersoonlikheid en woon in Johannesburg.  Bester is ook die hoofsanger van die groep Kinky Robot en ontvanger van vele toekennings. Bester se oggendprogram op Jacaranda FM, The Breakfast, word gelys as een van die gewildste radioprogramme onder luisteraars, omdat hulle kan identifiseer met die onderwerpe wat hy aanraak.

Martin Bester
Martin-Bester-640x426.jpg
NasionaliteitSuid-Afrika
Beroepradio-aanbieder, akteur en televisiepersoonlikheid

Vroeë leweWysig

Bester is in Bethal (in die ou Transvaal) gebore en het grootgeword in Port Elizabeth in die Oos-Kaap. Bester het sy loopbaan in die uitsaaiwese reeds as eerstejaarstudent begin, toe hy as omroeper by die studente-radiostasie op die kampus van die Universiteit van Port Elizabeth aangesluit het, waar hy Sielkunde en isiXhosa studeer het.

Hy het hierna die geleentheid gekry om as omroeper by Algoa FM te werk. Terwyl Bester nog werksaam by Algoa FM was, het hy 'n aanbod gekry om as omroeper by Jacaranda FM te werk, wat Suid-Afrika se grootste kommersiële radiostasie is. Hy het by Jacaranda FM begin in die tydgleuf van 16:00 tot 19:00 met The Martin Bester Drive Show, om die namiddagprogram te dek en hy is twee keer daarvoor met 'n MTN Radio-toekenning vereer.

Radioprogram: The BreakfastWysig

Die program, The Breakfast, wat Bester op die kommersiële radiostasie, Jacaranda FM, elke weeksoggend uitsaai vanaf 06:00 tot 09:00 is baie gewild onder die luisteraars en het ook al 'n toekenning ontvang as Beste Plaaslike Radioprogram. Die luisteraars kan 'n aanduiding gee na watter musiek hul graag wil luister en watter tipe onderwerpe bespreek moet word, sodoende gee dit eienaarskap aan die luisteraars en vergemaklik dit die vloei van die program. Daar is ook ʼn gewilde segment aan die program gekoppel, naamlik Secret Sound. Luisteraars ontvang 'n leidraad van 'n geluid en moet dan inbel en sê wat hulle dink die klank maak. Die persoon wat dan eerste reg geraai het, ontvang 'n bedrag geld wat in die program gestipuleer word.

TelevisieWysig

Bester se televisieloopbaan sluit die aanbieding van die volgende programme in:

  • Tweestryd
  • D.K.N.T.
  • Lekker Bester

FilmWysig

Bester het ook sy loopbaan as akteur verbreed en het in die volgende films gespeel:

  • Vrou Soek Boer (2014)
  • Pretville (2012)
  • Sonskyn Beperk (2016)

SolosangWysig

Bester se album, Vir Die Eerste Keer, is vrygestel deur Universal Music (Pty) Ltd.

Vir Die Eerste Keer (2016)Wysig

  • Goed Aan Jou Doen
  • Sterre
  • Wat Weet Ek Tog
  • Pringlebaai
  • Ou Spoor
  • Harlekyn
  • Hier Om Te Bly
  • Ek Het Geweet
  • Ek Dink
  • Wees Net Hier By My
  • Weer En Weer
  • Groot Karoo
  • Simon
  • Zorro

Musiekgroep: Kinky RobotWysig

Bester is die hoofsanger van die musiekgroep Kinky Robot. Die klank wat die groep meebring is alternatiewe rock. Die groep is in 2010 in Johannesburg gevorm en hul eerste enkelsnit was getiteld: Hobie Beach en Lover of Life. Die groep het ook by die Apollo-teater in Londen opgetree by die London Goes SA-vertoning.

ToekenningsWysig

  • Best of Pretoria Reader’s Choice Toekenning: Beste Plaaslike Radioprogram, vir The Breakfast.
  • Best of Pretoria Reader’s Choice Toekenning: Beste Plaaslike Radiopersoonlikheid
  • Huisgenoot Tempo-toekenning: Radio-aanbieder van die Jaar (2016)
  • MTN Radio-toekenning: Beste Namiddagomroeper (2017)

BronnelysWysig