Matoea
Matoea (Russies: Ма́туа; Japannees: 松輪島, Matsuwa-tō) is 'n onbewoonde vulkaniese eiland van die Koerile-argipel in die See van Ochotsk, noordwestelike Stille Oseaan. Die naam kom van die taal Ainoe en beteken "Helmond".
| Matoea | |
|---|---|
| Eiland van die Koerile | |
  | |
| Ligging | See van Ochotsk |
| Plaaslike naam | Матуа 松輪島 |
| Argipel | Koerile |
| Lengte | 11 km |
| Breedte | 6,5 km |
| Oppervlakte | 52 km2 |
| Hoogste punt | Saritsjef-piek |
| Hoogte | 1 496 m |
| Land |  Rusland
|
| Deelgebied | Sachalin-oblast |
| Bevolking | 0 |
Die eiland word van Raikoke geskei deur die Straat van Golownin van 16 km. Jagters en vissermanne het Matoea lank gelede reeds besoek, maar dit het geen permanente inwoners nie. In sommige vroeë Europese dokumente word na die eiland verwys as "Raukoke".[1]
Geologie
wysig
Matoea is rofweg ovaal, met 'n lengte van 11 km en 'n breedte van 6,5 km. Dit het 'n oppervlakte van 52 km2.[2] Die eiland is 'n vulkaan met twee hoofpieke.
Saritsjef-piek (Russies: вулкан Сарычева) in die noordweste van die eiland is een van die aktiefste vulkane op die Koerile. Die sentrale keël is 250 m breed, het baie steil kante en 'n gekeepte rand. Dit is sowat 1 496 m hoog. Lawa wat van al die kante van die piek afstroom, vorm kape aan die kus. Uitbarstings is sedert die 1760's aangeteken, insluitende in 1878-1879, 1923, 1930, 1946, 1960, 1976, 1981, 1987, 1989 en 2009.
Die een in 1946 was die grootste en het 'n piroklastiese vloei (van vulkaangesteentes) tot gevolg gehad wat die see bereik het. Die uitbarsting van 2009 was groot genoeg om lugverkeer tussen Noord-Amerika en Asië te beïnvloed.
Die veel kleiner piek suid van Saritsjef, Tengaizan, is 127 m hoog.
Verwysings
wysig- ↑ von Krusenstern, Adam Johann (1814). "Officieller Bericht des Hrn. Capit. Ritters v. Krusenstern über des Capitäen's Golownin Reise zur Untersuchung der Kurilischen Inseln.". In Bertuch, Friedrich Justin (red.). Allgemeine geographische Ephemeriden (in Duits). Vol. 43. Weimar: Verlag des Landes-Industrie-Comptoirs. p. 147. Besoek op 28 Junie 2016.
- ↑ "International Kuril Island Project（IKIP）". University of Washington Fish Collection or the respective authors. Geargiveer vanaf die oorspronklike op 23 Julie 2013. Besoek op 29 Mei 2010.
Skakels
wysig
Wikimedia Commons het meer media in die kategorie Matoea.
Hierdie artikel is in sy geheel of gedeeltelik uit die Engelse Wikipedia vertaal.
