Mensa (vereniging)

wêreldwye vereniging vir die intelligentste lede van die mensdom

Mensa is ‘n wêreldwye vereniging vir die intelligentste lede van die mensdom.

LedeWysig

Lidmaatskap van die organisasie word beperk tot die boonste 2% van die wêreldbevolking met die hoogste intelligensiekwosiënt (IK). Wêreldwyd het dit 120 000 lede in 100 lande en lede kom in byna alle beroepe voor. Alle lede word gelyk beskou en ras, geloof, ouderdom, politieke affiliasie, opvoedkundige vlak, sosiale agtergrond, opleiding en prestasies speel geen rol nie.

DoelWysig

Die doel van Mensa is om mense met ‘n hoë intelligensie te identifiseer en te ontwikkel tot voordeel van die gemeenskap. Navorsing oor die aard, eienskappe en benutting van intelligensie word aangewakker. Sosiale en kulturele byeenkomste word deur Mensa vir sy lede gereël.

OrganisasiestruktuurWysig

 
Lande met 'n nasionale Mensa-groep

Mensa International bestaan uit ongeveer 134 000 lede[1] in 100 lande en in 54 nasionale groepe.[2] Die nasionale groepe reik tydskrifte uit, soos Mensa Bulletin, die maandelikse publikasie van American Mensa,[3] en Mensa Magazine, die maandelikse publikasie van Britse Mensa.[4] Individue wat in 'n land woon met 'n nasionale groep sluit by die nasionale groep aan, terwyl diegene wat in lande woon sonder 'n erkende afdeling direk by Mensa International kan aansluit.

Suid-AfrikaWysig

In Suid-Afrika het Mensa 1300 lede versprei oor takke in Johannesburg, Kaapstad, Stellenbosch, Somerset-Wes en KwaZulu-Natal.[5]

VerwysingsWysig

  1. "About Mensa International". Mensa International. 2017. Geargiveer vanaf die oorspronklike op 5 September 2017. Besoek op 23 April 2017.
  2. "National Groups – Mensa International". www.mensa.org. Geargiveer vanaf die oorspronklike op 21 Februarie 2021. Besoek op 20 Februarie 2021.
  3. "Mensa Bulletin". American Mensa. Geargiveer vanaf die oorspronklike op 11 Oktober 2007. Besoek op 11 Oktober 2007.
  4. "Welcome to British Mensa – The High IQ Society". British Mensa. Geargiveer vanaf die oorspronklike op 9 Oktober 2007. Besoek op 11 Oktober 2007.
  5. https://mensa.org.za/mensa-south-africa/

Eksterne skakelsWysig