Messerschmitt Bf 110
Die Messerschmitt Bf 110 was 'n twee motorige vegter-bomwerper wat deur die Luftwaffe gebruik is tydens die Tweede Wêreldoorlog. Dit het 'n bemanning van drie gehad. Dit is ontwerp na aanleiding van 'n spesifikasie van die Lugtwaffe. Hulle is ontwerp om bomwerpers te begelei diep in vyandelike gebiede in. Die vliegtuig se hanteerbaarheid was egter nie na wense nie maar daar is geglo dat die bewapening daarvoor sal opmaak. Die vliegtuig het sy nooiensvlug voltooi op 12 Mei 1936.
| Messerschmitt Bf 110 | |
|---|---|
 | |
| Tipe | Vegvliegtuig |
| Vervaardiger | Bayerische Flugzeugwerke Messerschmitt |
| Ontwerp deur | Willy Messerschmitt |
| Nooiensvlug | 12 Mei 1936 |
| Onttrek | 1945 |
| Status | Uit diens gestel |
| Hoofgebruiker | Luftwaffe |
| Aantal gebou | 6 170 |
Operasionele geskiedenis wysig
Die Messerschmitt Bf 110 se eerste aksie was tydens die inval in Pole. Dit het ook sy merk gemaak as bomwerper aanvalsvliegtuig toe hulle nege van 'n vlug van 22 Vickers Wellingtons afskiet het in Desember 1939. Hierna word produksie verhoog en 100 van die vliegtuie word voltooi elke maand van 1940. Maar ook gedurende 1940 het die Messerschmitt Bf 110 begin om groter verliese te ly teenoor die meer moderne Spitfire en Hawker Hurricane. Hierna word die vliegtuig grootliks onttrek as 'n dagvegter; waar dit bly gebruik is in dié rol het die verliese groter geword. In 1940/1 is daar begin om die vliegtuig as 'n nagvegter te gebruik, rol waarin die vliegtuig uit geblink het.
Aanvanklik was daar geen spesiale nagtoerusting aan boord nie en die bemanning was aangewese op hul sig. Later is hulle gelei deur grondbeheer onderskepping en toe het die Messerschmitt Bf 110 suksesse begin behaal. Daar was in 1941 begin om met radartoerusting aan boord van die vliegtuig te eksperimenteer wat 'n teiken vanaf 3.5 km kon opspoor en hul tot 200m van die teiken kon neem. Vanaf Julie 1942 is alle Messerschmitt Bf 110 nagvegters met die radars toegerus. Op daardie stadium was die standaard model die BF 110F-4 en was toegerus was met vier 7.93 mm masjiengewere en twee 20 mm kanonne.
Die aanvals tegniek was om die teiken van onder te nader, na die pens en tenks in die vlerke van die teiken te mik soos die Messerschmitt Bf 110 klim. Die twee kanonne het hoë plofstof en vuur brandstigting rondes gebruik. Daar was ook in 1943 'n 20 mm kanon geïnstalleer wat opwaarts gevuur het, die Messerschmitt Bf 110 moes net onder die bomwerpers kom.
Die Messerschmitt Bf 110 is die hele duur van die oorlog gebruik om Duitsland te verdedig. Een vlieënier, Majoor Heinz-Wolfgang Schnaufer, het volgens bewering 121 vyandelike vliegtuie in die nag afgeskiet. Die Messerschmitt Me 410 was ontwerp om die Bf 110 te vervang maar was 'n mislukking.
Tegniese besonderhede wysig
| Item | Statistiek |
|---|---|
| Aantal motore | 2 |
| Tipe motor | Skroef |
| Vervaardiger | Daimler-Benz DB 601B omgekeerde V-12 suiermotors |
| Kraglewering per motor | 1 474 perdekrag |
| Vlerkspan | 16,25 m |
| Lengte | 13,05 m |
| Hoogte | 4,18 m |
| Vlerkoppervlakte | 38,4 m2 |
| Maks. opstygmassa | 9 890 kg |
| Maks. snelheid | 550 km/h |
| Operasionele hoogte | 8 000 m |
| Togafstand | 2 100 km |
| Klimvermoë | 661 m per minuut |
| Bewapening | Twee 30 mm en twee 20 mm kanonne in neus, twee 7,92 mm masjiengewere agter in kajuit. |
Sien ook wysig
Bron wysig
- Crosby, Francis: THE WORLD ENCYCLOPEDIA OF FIGHTERS & BOMBERS. 2015. ISBN 978-1-84476-917-9