Messerschmitt Me 410

Die Messerschmitt Me 410 is 'n Duitse tweemotorige vegvliegtuig wat tydens die Tweede Wêreldoorlog diens gedoen het. Die Me 410 was ontwerp om die Messerschmitt Bf 110 te vervang. Die eerste ontwerp om die Bf 110 te vervang was die Messerschmitt Me 210. Die vliegtuig was egter onstabiel en moeilik om te hanteer; dit het geneig om te tol en te stol. Tog is daar 200 van die vliegtuie gebou maar later verwerp ten gunste van 'n nuwe Messerschmitt Bf 110's. Die Me 210 se ontwerp is verbeter met 'n langer romp en leidende klappe aan die voorkant van die vlerke om stolling teen te werk. Die vliegtuig is ook toegerus met kragtiger motors. Die nuwe ontwerp is die Me 410 Hornisse genoem. Die eerste Me 410's het die front in Januarie 1943 bereik en die Dornier Do 217's en Junkers Ju 88's vervang.

Messerschmitt Me 410
Me 410 A-1/U2 by die Britse Lugmagmuseum te Cosford, 1985
Tipe Vegvliegtuig
Vervaardiger Messerschmitt, Dornier
Nooiensvlug 14 Maart 1942
Bekendstelling 1943
Onttrek 1945
Status Uit diens gestel
Hoofgebruikers Luftwaffe
Hongaarse Lugmag
Vervaardig Mei 1943 - Augustus 1944
Aantal gebou 1 189
Weergawes Messerschmitt Me 210

Hulle is eers gebruik as nagvegter/bomwerpers oor Brittanje en later as bomwerpers in die Middellandse Seearea. Vanaf die lente in 1944 het die Me 410's die Bf 110's vervang in die bomwerper (Zerstörer) eenhede wat Duitsland moes verdedig. Hulle het ook aan die oosfront diens gedoen.

Die Messerschmitt Me 410A-1/U4 was toegerus met 'n 50 mm kanon onder die romp. Die kanon het 900 kg geweeg en het 'n terugslag gehad van sewe ton. Dit kon slegs 21 rondtes dra. Die Me 410 was egter nie beter as die Messerschmitt Bf 110 wat dit moes vervang nie. Produksie van die vliegtuig is in September 1944 gestaak.

Tegniese besonderhede wysig

Besonderhede van die Messerschmitt Me 410A-1/U2:
Item Statistiek
Aantal motore 2
Tipe motor Skroef
Vervaardiger Daimler-Benz DB 603A
omgekeerde V-12 suiermotors
Kraglewering per motor 1 850 perdekrag
Vlerkspan 16,35 m
Lengte 12,48 m
Hoogte 4,28 m
Vlerkoppervlakte 36,2 m2
Maks. opstygmassa 9 650 kg
Maksimumsnelheid 625 km/h
Operasionele hoogte 10 000 m
Togafstand 1 690 km
Klimvermoë 6 700 m in 10 minute, 42 sekondes
Bewapening Vier 20 mm kanonne,
twee 7,93  mm masjiengewere,

twee 13 mm afstandbeheerde
tru masjiengewere in die flanke.

Sien ook wysig

Bron wysig