Maanhaarstompie

Die maanhaarstompie (Mimetes fimbriifolius) is 'n blomdraende struik wat tot die genus Mimetes behoort en deel van die fynbos vorm. Die plant is endemies aan die Wes-Kaap en kom voor op die Kaapse Skiereiland. Die struik is regop en word 3.5 m hoog. Die struik blom regdeur die jaar maar dra van Julie tot Desember die meeste blomme. Die plant word geklassifiseer as 'n boom en sy unieke nommer is: 72.2.

Maanhaarstompie
Bewaringstatus
Ongeëvalueer  (IUCN 3.1)
Wetenskaplike klassifikasie
Koninkryk:	Plantae
(geen rang):	Angiosperms
(geen rang):	Eudicots
Orde:	Proteales
Familie:	Proteaceae
Genus:	Mimetes
Spesie:	M. fimbriifolius
Binomiale naam
Mimetes fimbriifolius Salisb. ex Knight, (1809)

Vuur vernietig die plant maar die sade oorleef. Twee tot ses maande nadat dit geblom het, val die vrugte af en miere versprei die sade. Hulle stoor die sade in hul neste. Die plant is tweeslagtig. Bestuiwing vind plaas deur die werking van voëls. Die plant groei in sanderige grond op hoogtes van 0-1 100 m.

In Engels staan dit as die Tree Pagoda bekend.

Fotogalery

• 
  'n Klein Maanhaarstompie (ver links) op Tafelberg.
• 
  Volgroeide Maanhaarstompie in sy natuurlike habitat op die Kaapse Skiereiland.

Sien ook

• Alfabetiese lys van Suid-Afrikaanse bome

Bronne

• Watter Boom is dit? Eugene Moll 2013 ISBN 978 1 77007 832 1
• PlantZAfrica
• REDLIST Sanbi
• Biodiversityexplorer
• Protea Atlas
• Plants of the World Online

Eksterne skakels

• Wikimedia Commons het meer media in die kategorie Maanhaarstompie.
• Wikispecies het meer inligting verwant aan Maanhaarstompie