Mississippi Delta
Die Mississippi Delta, ook bekend as die Yazoo-Mississippi Delta, is 'n streek en kultuurlandskap in die noordweste van die Amerikaanse deelstaat Mississippi en dele van Arkansas en Louisiana, as vloedvlakte geleë tussen die Mississippi- en Yazoo-riviere. Dit moenie verwar word met die Mississippi-rivierdelta van Louisiana nie (in Amerikaanse Engels dikwels kortweg MRD genoem).
Die Mississippi Delta, geleë tussen Memphis (net noord van die deelstaatgrens tussen Tennessee en Mississippi) en Vicksburg, is die gebied waar die Yazoo- en Tallahatchie-riviere met die magtige Mississippi saamvloei - streng genome is dit dus die delta van hierdie twee riviere, 'n vrugbare landboustreek met moerasgebiede en bayous, soos staande of stadig vloeiende waterliggame in die Amerikaanse Suide genoem word.
Die Mississippi Delta word dikwels as die "mees suidelike" streek in die Amerikaanse Diep Suide beskryf - en ook as sy swartste. Swart Amerikaners het hier tradisioneel die oorgrote meerderheid van die bevolking gevorm. Die Mississippi- en Yazoo-riviere het met hul afsettings van hierdie streek die vrugbaarste katoenstreek in die Suide gemaak - nêrens was opbrengste en grondpryse hoër. OPvallend was die inkomstegaping tussen welvarende wit plantergesinne en die bitterarm swart bevolking. Volgens oorlewering het Rev. Dr. Martin Luther King Jr. tydens 'n besoek aan die streek as ooggetuie van die plattelandse bevolking se ellendige lewensomstandighrede in trane uitgebreek.
Eksterne skakels wysig
- Toerisme
- Visit the Delta
- Anthony Bourdain, CNN Travel: In Mississippi Delta, fill up on the blues and Southern food
- Tydskrifartikels
- Charles Reagan Wilson in Southern Spaces, 4 April 2004: Mississippi Delta
- Alan Huffman in The Atlantic, 6 Januarie 2015: How White Flight Ravaged the Mississippi Delta
- Blues-musiek