Maak hoofkeuseskerm oop

Johannes Lodewikus Myburgh (24 Augustus 1936, Senekal15 Junie 2012, Pretoria) – bekend as Mof – is 'n Springbokrugbyspeler wat agtien toetse vir Suid-Afrika gespeel het. Hy het provinsiale rugby vir Noord-Transvaal gespeel.

Mof Myburgh Sportportaal
Mof Myburgh
Mof Myburgh
Volle naam Johannes Lodewikus Myburgh
Bynaam Mof
Geboortedatum 24 Augustus 1936
Geboorteplek Senekal, Suid-Afrika
Sterftedatum 15 Julie 2012 (op 75)
Sterfteplek Pretoria
Lengte 1,85 m
Gewig 104 kg
Beroep Polisieman
Rugbyloopbaan
Loopbaan as speler
Posisie(s) Stut
Springbokno. 371
Amateurspanne
Jare Klub / span Weds (pte)
Polisie
Provinsiale- / Staatspanne
Jare Klub / span Weds (pte)
Noord-Transvaal 109
Nasionale span(ne)
Jare Land Weds (pte)
1962–1970 Vlag van Suid-Afrika Suid-Afrika 18

Myburg is op 24 Augustus 1936 in Senekal in die Oos-Vrystaat gebore. Hy het as 'n speurder in die polisie gewerk en het vir 'n lank tyd as stut by die Polisieklub gespeel.

Hy speel sy eerste toets in 1962 teen die Britse en Ierse Leeus in Johannesburg. Sy laaste toets was teen die All Blacks in 1970, ook in Johannesburg. Van die agtien wedstryde is 12 gewen, 2 verloor en 4 gelykop beslis.

Myburg is ook 'n Blou Bul-legende, en het 109 wedstryde vir Noord-Transvaal gespeel.

Mof was 'n tydgenoot en spanmaat van Frik du Preez. Hy sal onthou word vir sy woorde nadat Noord-Transvaal vir die Westelike Provinsie in 1969 geklop het: "Ai, die Frik darem. Vandag het hy gedrop, geplace en gescore."[1]

Hy is op 15 Junie 2012 op 75-jaruge ouderdom in die Eugene Marais-hospitaal in Pretoria oorlede. Hy het probleme met sy hart gehad en is 'n paar dae voor sy dood ook met lewerkanker gediagnoseer. Hy laat sy vrou, Aneline, twee dogters en drie kleinkinders agter.

VerwysingsWysig

  1. 30 Super Springboks. Paul Dobson. 1995. ISBN 0-7981-3411-9

BronWysig

  • Legendariese Springbok-stut 'Mof' Myburgh sterf, Beeld. 15 Junie 2012

Eksterne skakelsWysig