Moses Kottler
Moses Kottler (1896–1977) was ’n skilder en een van Suid-Afrika se bekendste beeldhouers, hoewel hy nooit formele onderrig in dié genre ontvang het nie.[4]
| Moses Kottler | |
|---|---|
| Geboortenaam | Moses Kottler[1] |
| Gebore | ca. 1890[2] Joniškis, Šiauliai, Russiese Ryk |
| Sterf | 1977 Johannesburg, Transvaal, Suid-Afrika |
| Nasionaliteit | Suid-Afrika |
| Veld | Beeldhou, skildery |
| Opleiding | Bezalel-akademie van Kuns en Ontwerp, Jerusalem (1911–1912) |
| Beweging | Kubisme, Simbolisme, Duitse Ekspressionisme, Kaapse Impressionisme, Die Nuwe Groep |
| Werke | Small Coloured Girl (1917), olie op karton, 42 x 35,5 cm, Johannesburgse Kunsmuseum D.C. Boonzaier (1918), olie op doek, 45 x 34,5 cm, Suid-Afrikaanse Nasionale Kunsmuseum Meidjie (1926), sipreshout, 156 cm (basis ingesluit), Johannesburgse Kunsmuseum[3] |
Kottler is in 1896 in Litaue gebore en hom eers in 1915 in Suid-Afrika gevestig nadat hy sedert 1911 teken- en skilderonderrig aan die Bezalel-kunsskool in Jerusalem en aan die Kunsakademie in München ontvang het. Hy het aanvanklik in die Oudtshoorn-distrik gewoon, maar het later na Kaapstad verhuis. Hoewel hy hom in dié tyd as outodidak op die beeldhoukuns toegelê het, het hy tog skilderwerk van gehalte gelewer. Hy is in 1928 met Eva Goldberg getroud en het in dieselfde jaar 'n studiereis deur Europa onderneem. Met sy terugkeer vier jaar later het hy hom in Johannesburg gevestig.
Moses Kottler het in media soos brons, klip, hout en gips gewerk. Sy portretbeelde van openbare figure is karakteruitbeeldings, terwyl sy ander beelde vryer en ritmies is. Hoewel sy beeldwerk figuratiewe uitbeeldings is, word die realisme gereduseer tot die essensiële, dikwels geometriese, vorms. Sy aangrypendste werke is van die jong, ontluikende swart vrou soos uitgebeeld in die bekende Meidjie (1928), Peinsende meisie (1919) en Moeder en kind (1940).
Hy het sy eerste openbare opdrag in 1934 uitgevoer. Dit was agt figure uit klip vir die biblioteekgebou in Johannesburg. Ander openbare opdragte sluit in borsbeelde van generaals Smuts, Hertzog en Botha vir die Volksraadgebou in Kaapstad, van regter Japie de Villiers vir die Appèlhof in Bloemfontein, van generaal De Wet vir die Universiteit van Stellenbosch en van president T.F. Burgers.
Moses Kottler het sy eerste uitstalling in 1921 in Kaapstad gehou. Ten tye van sy studiereis deur Europa het hy saam met die Londen-groep uitgestal asook in die Leicester-galery in Londen. Van sy werk is in 1948 op die uitstalling van Suid-Afrikaanse kuns in die Tate-galery in Londen en op die Van Riebeeck-feestentoonstelling in 1952 uitgestal. 'n Oorsigtelike uitstalling van sy werk is in 1975 in die Pretoriase Kunsmuseum, die Johannesburgse Kunsgalery en die Suid-Afrikaanse Nasionale Kunsmuseum in Kaapstad aangebied.
Hy is in 1977 oorlede.
Openbare versamelings wysig
Verwysings wysig
- ↑ (en) Berman, Esmé (1983). Art and Artists of South Africa. Cape Town: A. A. Balkema. ISBN 0-86961-144-5.
- ↑ (en) Harmsen, Frieda (1985). Looking at South African Art. Pretoria: J L van Schaik. p. 244. ISBN 0-627-01411-9.
- ↑ (en) Prof. G. Dekker. "Moses Kottler". Our Art. Pretoria: Lantern, South African Broadcasting Corporation. 1: 109–110.
- ↑ https://www.sahistory.org.za/people/moses-kottler
Bronnelys wysig
- Stacey, Pat en Jean Hugo: Moses Kottler. In: Lantern. Tydskrif vir Volksopvoeding. Jaargang 4, nr. 3, Januarie 1955.
- Wêreldspektrum, Vol. 15, 159, ISBN 0 908409 56 7