Messier 41
(Aangestuur vanaf NGC 2287)
Messier 41 of M41 (ook bekend as NGC 2287) is ’n oop sterreswerm in die sterrebeeld Groot Hond. Dit is voor 1654 deur Giovanni Batista Hodierna ontdek en was miskien omstreeks 325 v.C. aan Aristoteles bekend.[1] Charles Messier het dit in die 18de eeu in sy katalogus van komeetagtige voorwerpe opgeneem.
| Messier 41 | ||||
| ||||
| Bron: 2MASS/Nasa | ||||
| Soort stelsel | Oop sterreswerm | |||
| Sterrebeeld | Groot Hond | |||
| Waarnemingsdata (Epog J2000) | ||||
| Regte klimming | 06h 46m | |||
| Deklinasie | -20º 46' | |||
| Skynmagnitude | 4,5 | |||
| Besonderhede | ||||
| Afstand (ligjaar) | 2 300 ligjare (710 parsek) | |||
| Skynbare grootte | 38 boogminute | |||
| Ander name | M41, NGC 2287 | |||
| ||||
M41 lê sowat 4 grade reg suid van die ster Sirius. Dit bevat omtrent 100 sterre, onder meer verskeie rooireuse, waarvan die helderste een ’n tipe K3 is. Dit lê naby die sterreswerm se kern. Die swerm beweeg teen sowat 23,3 km/s weg van die Aarde af.[2] Dit het ’n deursnee van 25 tot 26 ligjare en is sowat 190 tot 240 miljoen jaar oud.
Verwysings
wysig- ↑ "Messier 41". Geargiveer vanaf die oorspronklike op 8 Augustus 2011. Besoek op 17 Oktober 2012.
- ↑ "SIMBAD Astronomical Database". Results for Messier 41 (in Engels). Geargiveer vanaf die oorspronklike op 20 Mei 2020. Besoek op 21 Desember 2006.
Eksterne skakels
wysig- SEDS Messier 41
- NightSkyInfo.com – M41
- Messier 41 op WikiSky: DSS2, SDSS, GALEX, IRAS, Hydrogen α, X-Ray, Astrophoto, Sky Map, Artikels en foto's
Wikimedia Commons het meer media in die kategorie Messier 41.
Hierdie artikel is vertaal uit die Engelse Wikipedia
