NGC 4676

twee interaktiewe sterrestelsels

NGC 4676, ook genoem die Muise-sterrestelsels, is twee interaktiewe spiraalsterrestelsels (NGC 4676A en NGC 4676B) in die sterrebeeld Berenike se Hare. Hulle is sowat 290 miljoen ligjare van die Aarde af[2] en is reeds miljoene jare aan die bots. Die lang getysterte van die stelsels, waar die naam "Muise" vandaan kom, dui daarop dat hulle waarskynlik reeds deur mekaar beweeg het. Hulle sal aanhou bots totdat hulle saamsmelt en een groot sterrestelsel vorm.

NGC 4676
’n Hubble-foto van die twee interaktiewe sterrestelsels NGC 4676A (regs) en NGC 4676B (links).
’n Hubble-foto van die twee interaktiewe sterrestelsels NGC 4676A (regs) en NGC 4676B (links).
Soort stelsel Interaktiewe sterrestelsels
Sterrebeeld Berenike se Hare
Tipe Irr / SB(s)0/a pec[1]
Waarnemingsdata (Epog J2000)
Regte klimming 12h 46m 10.1s / 12h 46m 11.2s[1]
Deklinasie +30° 43′ 55″ / +30° 43′ 22″[1]
Skynmagnitude 14,7 / 14,4[1]
Besonderhede
Afstand (ligjaar) 290 miljoen
Rooiverskuiwing  6 613 ± 8 / 6 607 ± 7 km/s[1]
Ander name Muise-sterrestelsels, IC 819 / 820, UGC 7938 / 7939, PGC 43062 / 43065, Arp 242
Portaal  Portaalicoon   Sterrekunde

Die kleure van die stelsels is buitengewoon. NGC 4676A (regs op die foto) se stert is blou na aan die kern en word dan geler na buite, in teenstelling met feitlik alle ander spiraalstelsels waar die spiraalarms eers geel is en dan blouer na buite word. NGC 4676B se kleure is normaler, met ’n gelerige kern en blouerige oorblyfsels van spiraalarms.

Die stelsels is in 2002 deur die Hubble-ruimteteleskoop afgeneem.[3]

Verwysings wysig

  1. 1,0 1,1 1,2 1,3 1,4 "NASA/IPAC Extragalactic Database". Results for NGC 4676A / 4676B (in Engels). Geargiveer vanaf die oorspronklike op 2 Augustus 2002. Besoek op 21 November 2006.
  2. Chien, Li-Hsin; Barnes, Joshua E.; Kewley, Lisa J.; Chambers, Kenneth, C. (Mei 2007). "Multiobject Spectroscopy of Young Star Clusters in NGC 4676". The Astrophysical Journal. 660 (2): L105–L108. arXiv:astro-ph/0703510. Bibcode:2007ApJ...660L.105C. doi:10.1086/518215.{{cite journal}}: AS1-onderhoud: meer as een naam (link)
  3. "Hubble's New Camera Delivers Breathtaking Views of the Universe". HubbleSite (in Engels). 30 April 2002. Geargiveer vanaf die oorspronklike op 7 September 2016. Besoek op 7 Mei 2009.

Eksterne skakels wysig

Koördinate:   12h 46m 10.1s, +30° 43′ 55″

     NGC 4674  •  NGC 4675  •  NGC 4676  •  NGC 4677  •  NGC 4678