Hierdie artikel handel oor die etniese groep in Meso-Amerika. Vir die taal, sien Nahuatl.

Die Nahuas (Nahuatl: nāhua, [ˈnaːwa-], letterlik: "hoorbaar, verstaanbaar, duidelik"; eenvoud: Nāhuatlācatl, [naːwaˈt͡ɬaːkat͡ɬ], letterlik: "Nahuatl-sprekende mens"; meervoud: Nahuatlacah, [naːwaˈt͡ɬaːkaʔ], letterlik: "Nahuatl-sprekende mense"), voorheen Meksikane (eenvoud: Mēxihcatl, [meːˈʃiʔkat͡ɬ], meervoud: Mēxihcah, [meːˈʃiʔkaʔ], ; Spaans: Mexicano(s), [mexiˈkano(s)]), is 'n etniese groep en die nasate van die Meso-Amerikaanse beskawing van die Asteke, wat in die hedendaagse lande Meksiko en El Salvador woon. Die historiese middelpunt van die beskawing was die Asteekse Ryk in die sentrale hoogland van Meksiko met die hoofstad Tenochtitlan, geleë onder die hedendaagse Meksikostad.

Nahua

Drie Nahua-mans in Zacatlán (Puebla, Meksiko)
Totale bevolking: ca. 2 miljoen
Belangrike bevolkings  in: Vlag van Meksiko Meksiko (Oaxaca, Morelos, Puebla, Hidalgo, Michoacán, Veracruz, Jalisco, Estado de México, Distrito Federal, Tlaxcala, Chihuahua, Durango, San Luis Potosí en Guerrero)

Vlag van El Salvador El Salvador (Ahuachapan, Sonsonate, San Salvador, Santa Ana)

Taal: Nahuatl en Spaans
Geloofsoortuiging: Christendom (hoofsaaklik Rooms-Katolieke Kerk), die tradisionele Astekse godsdiens word nog steeds beoefen
Verwante etniese groepe: Indiane en Mestizo
Hedendaagse verspreiding van Nahuatl in Meksiko
Die Atlante van Tollan-Xicocotitlan

Die Nahuas vorm met sowat 2 miljoen mense die grootste etniese groep in Meksiko. Die bindende element is saam met ou tradisies veral die taal Nahuatl. Die bekendste historiese Nahua-groepe sluit in die Asteke, hul tradisionele vyande die Tlaxcalteke (veral tydens die sogenaamde Blommeoorloë) en die Tolteke, wat deur die Asteke as hul voorgangers beskou is. Van die bekendste Asteke-heersers, die Hueyi tlahtoani, was Cuauhtémoc (1520–1521), Ixtlilxochitl II (1525–1531), Moctezuma I (1440–1469) en Moctezuma II (1502–1520). Die Asteekse Ryk is vernietig deur die Spaanse conquistadores onder leiding van Hernán Cortés wat Meksiko in 1521 verower het. Meksiko het as Nieu-Spanje deel geword van die Spaanse Ryk. Dit sou tot in 1821 met die Meksikaanse Onafhanklikheidsoorlog 'n kolonie van Spanje wees. Hedendaags is die meeste Nahuas tweetalig met Spaans as tweede taal.

Sien ook wysig

Eksterne skakels wysig

  •   Wikimedia Commons het meer media in die kategorie Nahua.
  • (en) "Nahua". Encyclopædia Britannica. Besoek op 22 September 2018.
  Geskiedenis van Meksiko  
Meso-AmerikaOlmekeMixtekeToltekeTeotihuacáneZapotekeMajaTlaxcaltekeAsteke
KolonisasieSpaanse verowering van die Asteekse Ryk (1519–1521) • Spaanse verowering van Yucatan (1527–1697) • Nieu-Spanje (1535–1821) • Meksikaanse Onafhanklikheidsoorlog (1810–1821)
1821–1864Eerste Meksikaanse Keiserryk (1821–1823) • Texaanse Onafhanklikheidsoorlog (1835–1836) • Koekoorlog (1838) • Meksikaans-Amerikaanse Oorlog (1846–1848) • Kasteoorlog (1847–1901) • Hervormingsoorlog (1857–1861) • Franse intervensie in Meksiko (1861–1867)
1864–1929Tweede Meksikaanse Keiserryk (1864–1867) • Meksikaanse Rewolusie (1910–1920) • Cristero-oorlog (1926–1929)
Moderne geskiedenisChiapas-konflik (1994) • Dwelmoorlog in Meksiko (2006–hede)