Nasionale Sequoia-park
Die Nasionale Sequoia-park (Engels: Sequoia National Park) is 'n nasionale park in die Amerikaanse deelstaat Kalifornië, geleë oos van die San Joaquin-vallei in die suidelike Sierra Nevada.[3] Die park, wat op 25 September 1890 gevestig is, beslaan 'n oppervlakte van 631,35 myl² (1 635,2 km²). Met 'n vertikale reliëf van byna 13 000 voet (4 000 m) behels die park onder meer die hoogste punt in die 48 samehangede vastelandse Amerikaanse deelstate, Mount Whitney, op 14 505 voet (4 421 m) bo seevlak.
| Nasionale Sequoia-park Sequoia National Park | |
|---|---|
 | |
| Land |  Verenigde State
|
| Provinsie |  Kalifornië
|
| Naaste dorp | Visalia |
  Nasionale Sequoia-park |
|
| Koördinate: 36°33′53″N 118°46′24″W / 36.56472°N 118.77333°WKoördinate: 36°33′53″N 118°46′24″W / 36.56472°N 118.77333°W | |
| Oppervlak | 1 635;19 km²[1] |
| Openingsjaar | 25 September 1890 |
| Besoekerstal | 1 291 256[2] |
| Besoekersjaartal | 2017 |
| Bestuursliggaam | Nasionale Parkdiens |
| Webblad | www.nps.gov |
Die Nasionale Sequoia-park grens in die noorde aan die Nasionale Kings Canyon-park. Die twee parke word deur gemeenskaplik deur die Verenigde State se Nasionale Parkdiens (National Park Service) bestuur as die Sequoia and Kings Canyon National Parks. In 1976 is hulle deur Unesco as die Sequoia-Kings Canyon-biosfeerreservaat gelys.
Die Nasionale Sequoia-park word veral geassosieer met reuse-sequoiabossies, gemengde koniferebosse waarin reuse-sequoiabome (Sequoiadendron giganteum) groei.[4] Hierdie boomsoort is beperk tot die westelike hellings van die Kaliforniese Sierra Nevada-bergreeks, met 'n natuurlike habitat wat op hoogtes tussen 4 000 en 8 000 voet (1219 en 2438 m) bo seevlak geleë is. In die meeste bossies kom reuse-sequoias minder voor as ander boomsoorte, maar is nogtans die opvallendste en indrukwekkendste bome danksy hulle grootte. Binne die parkgrense is daar sowat veertig sequoiabossies, met tussen een en tienduisende reusebome, waarvan sommige deur 'n netwerk van paaie vir besoekers ontsluit word en ander slegs via staproetes.
Verwysings wysig
- ↑ "Listing of acreage as of December 31, 2012" (in Engels). Nasionale Parkdiens. Geargiveer vanaf die oorspronklike op 23 Junie 2017. Besoek op 22 Mei 2018.
- ↑ "NPS Annual Recreation Visits Report" (in Engels). Nasionale Parkdiens. Geargiveer vanaf die oorspronklike op 20 Mei 2020. Besoek op 22 Mei 2018.
- ↑ (en) National Park Service: Sequoia & Kings Canyon. Besoek op 22 Mei 2018
- ↑ (en) National Park Service: Exploring Giant Sequoia Groves. Besoek op 22 Mei 2018
Eksterne skakels wysig
Wikimedia Commons het meer media in die kategorie Nasionale Sequoia-park.- (en) Toerisme-inligting oor Nasionale Sequoia-park op Wikivoyage
- (en) Amptelike webwerf by die Nasionale Parkdiens
