Neusiedlermeer

Neusiedlermeer
Satellietbeeld van die Neusiedlermeer
Kaart van die Neusiedlermeergebied
Koördinate:	47°49′N 16°45′O
Ligging:	Oostenryk, Hongarye
Soort:	Steppemeer
Oppervlakte:	315 km² (122 myl²)
Gemiddelde diepte:	1 meter (3 voet, 3 duim)
Maksimum diepte:	1,8 meter (5 voet, 11 duim)
Volume:	0,325 km³ (0,078 myl³)
Lengte:	36 km (22 myl)
Breedte:	12 km (7,5 myl)
Opvangsgebied:	1 120 km² (430 myl²)
Invloei:	neerslag, Wulka
Uitvloei:	verdamping (90%), Einserkanal (kunsmatig)
Nedersettings:	Neusiedl am See, Rust

Die Neusiedlermeer (Duits: Neusiedlersee, vernoem na die nedersetting Neusiedl aan sy oewer; Hongaars: Fertő-tó, afgelei van fertő "moeras") is die mees westelike steppemeer in Europa, geleë in die Oostenrykse deelstaat Burgenland en Noordwes-Hongarye.

Digte rietbosse langs die Neusiedlermeer se oewer is 'n belangrike habitat vir seldsame voëlspesies

Watersportentoesiaste in Rust am See, Oostenryk

Twee grysganse in die Nasionale Park Neusiedler See-Seewinkel, Burgenland, Oostenryk

Die meer, naas die Balaton in Hongarye een van min steppemere in Europa, het vermoedelik enkele miljoen jare gelede as gevolg van tektoniese daling ontstaan. Dit is tans die laagste punt in Oostenryk, op 115 meter bo seevlak, met 'n totale lengte van 36 km en 'n wydte van tussen 6 en 14 km. Die Neusiedlermeer word deur 'n klein stroompie en daarnaas waarskynlik nog ondergrondse bronne gevoed. Die meer het 'n lae soutgehalte en geen natuurlike uitloop nie. Sy waterspieël is relatief laag, met tussen vier en ses voet, terwyl sy oppervlakte (sowat 350 vierkante km, waarvan die grootste deel op Oostenrykse staatsgebied geleë is) as gevolg van klimaatsinvloed varieer. Die digte rietbosse langs sy oewer is 'n belangrike habitat vir baie seldsame spesies van trekvoëls en word as 'n internasionale reservaat beskerm. Die Fertö / Neusiedlersee Kulturele Landskap is in 2001 deur Unesco as wêrelderfenisgebied gelys.

'n Kanaal, wat tussen 1873 en 1895 ontstaan het, verbind die meer met die Rabnitz-rivier (Hongaars: Répce-), 'n syrivier van die Donau. Die meer het ekonomiese betekenis vir die sellulosebedryf en as ontspanningsgebied, veral vir die bevolking van die nabygeleë federale hoofstad Wene. Die grootste nedersettings langs sy oewer is Neusiedl, Podersdorf en die wyndorp Rust. Wingerde langs oosoewer van die meer lewer Zweigelt-wyne van die hoogste gehalte op.

Eksterne skakels

• Wikimedia Commons het meer media in die kategorie Neusiedlermeer.
• (en) (fr) Amptelike Unesco-bladsy