Noordelike Voorstede Tennisklub
Die Noordelike Voorstede Tennisklub is 'n tennisklub op die hoek van 23ste Laan en Meyerstraat in Rietfontein, Pretoria. Dit word omring deur huise, die Tom Frates-park, 'n sokkerveld (Hollandia Sokkerklub), klein winkelsentrum en die Potgieterpark-woonstelblok.
Geriewe sluit in: vyf bane, 'n oefenmuur, klubhuis en losstaande ablusiegeriewe. Twee van die bane is belig, terwyl 'n derde van slegs een kant af belig is. Die terrein word deur 'n hoë heining omring met 'n enkele motorhek wat toegang tot die parkeerarea verleen. Die hek word gegrendel as daar nie gespeel word nie.
Die klub is geaffilieer by die GNTA (Gauteng-Noord-tennisvereniging) en SATA (die Suid-Afrikaanse Tennisvereniging).
