Oranjerivier-moddervis

Die Oranjerivier-moddervis (Labeo capensis) is 'n varswatervis wat voorkom in die Oranje- en Vaalrivier-stelsels. In Engels staan die vis bekend as die Orange river mudfish.

Oranjerivier-moddervis
Foto en illustrasie van L. capensis
Wetenskaplike klassifikasie
Domein:
Koninkryk:
Filum:
Subfilum:
Infrafilum:
Superklas:
Klas:
Subklas:
Infraklas:
Superorde:
Orde:
Familie:
Genus:
(Cuvier, 1817)
Spesie:
L. capensis
Binomiale naam
Labeo capensis
(A. Smith, 1841)

Voorkoms wysig

Die vis is groot en lank met die kop ietwat plat. Daar is twee pare baarde om die mond. Die onvolwasse visse is dunner terwyl die volwasse visse 'n dieper lyf het met die skof agter die kop wat goed uitstaan. Die onvolwasse visse is grys en wit aan die onderkant; die volwasse visse is donkergrys en word diep donker blou-swart gedurende broeityd. Die vis word tot 500 mm lank en weeg gemiddeld 1,8 tot 2,2 kg (5 pond).[1] Die Suid-Afrikaanse hengelrekord is 3,83 kg.

Habitat wysig

Die vis leef in vloeiende water van groot riviere en kan ook oorleef in beskermende water. Hulle vreet kos vanaf die oppervlakte van plante en rotse. Beide geslagte migreer in die somer stroomop om te broei.

Sien ook wysig

Verwysings wysig

  1. Hier gaan ons alweer, Petri de Wet, kykNET, 21 Desember 2013

Bron wysig

Eksterne skakel wysig