Wikipedia

Paul E. Marik

Paul Ellis Marik (26 Maart 1958) is 'n Suid-Afrikaanse professor in medisyne en dien as hoof van die afdeling vir long- en kritieke sorggeneeskunde aan die Eastern Virginia Medical School in die VSA. Marik het homself 'n "status quo-destabiliseerder" genoem.[2] Hy is die uitvinder van 'n protokol vir die voorkoming van sepsis tydens intensiewe sorg, hoewel die voordele van die protokol nie bevestig is nie.[3] Hy is 'n voorstander van die doeltreffendheid van ivermektien as 'n COVID-19 behandeling[4] en 'n stigterslid van die Front Line COVID-19 Critical Care Alliance (FLCCC),[5] 'n antikoronavirusentstof organisasie wat ivermektien en ander alternatiewe behandelingsprotokolle vir COVID-19 voorstel.[6]

Paul Ellis Marik
Gebore 26 Maart 1958 (1958-03-26) (66 jaar oud)
Johannesburg[1]
Burgerskap Vlag van Verenigde State van Amerika Amerikaner
Werkgebied Interne medisyne
M.Med-proefskrif "Prognostiese profiele in akute miokardiale infarksie" (1989) WITS
Opleiding
Alma mater Universiteit van die Witwatersrand
Werkplekke
  • Baragwanath-hospitaal
  • Detroit Receiving Hospital
  • St. Vincent Hospital, Worcester, Massachusetts
  • University of Pittsburgh Medical School
  • Thomas Jefferson University Hospital
  • Eastern Virginia Medical School
Sertifisering
  • Suid-Afrikaanse Mediese en Tandheelkundige Raad
  • Britse Mediese Raad
  • Kanadese Mediese Raad
  • Amerikaanse Raad vir Interne Geneeskunde
  • Amerikaanse Raad op Dokter-Spesialis vir Voeding
  • United Council for Neurological Subspecialities (VSA)
Bekend vir Marik-protokol
e-pos @Eastern Virginia Medical School
Eggenoot Susan Marik
Kinders 3

Marik-protokol wysig

Marik is die uitvinder van die "Marik-protokol", ook bekend as die "HAT"-protokol wat 'n kombinasie van hidrokortisoon,[Nota 1] askorbiensuur en tiamien voorstel as behandeling vir die voorkoming van sepsis vir mense in intensiewe sorg. Marik se eerste aanvanklike navorsing, wat in 2017 gepubliseer is,[7] het 'n dramatiese bewys van voordeel getoon, wat daartoe gelei het dat die protokol gewild geword het onder intensiewe sorggeneeskundiges, veral nadat die protokol op sosiale media en National Public Radio aandag geniet het,[8] en kritiek op "wetenskap deur perskonferensie" van die breër mediese gemeenskap verwerf het.[9] Latere onafhanklike navorsing het nie daarin geslaag om Marik se positiewe resultate te herhaal nie, wat dui op die moontlikheid dat hulle deur vooroordeel gekompromitteer is.[2] 'n Stelselmatige oorsig van proewe in 2021 het bevind dat die beweerde voordele van die protokol nie bevestig kon word nie.[3] 'n Studie, getiteld Vitamien C, tiamien en steroïede in sepsis (VICTAS), om die Marik-protokol verder te toets, is op 22 Augustus 2018 begin. Opvolg vir die primêre uitkomsmaatreël is op 22 Augustus 2019 voltooi en opgevolg vir die sekondêre uitkomsmaatreëls is op 29 Januarie 2020 voltooi. Geen resultate is teen Julie 2021 bekend gemaak nie.[6][10]

Ivermektien vir Koronavirussiekte-2019 wysig

Marik was hoofskrywer van 'n vaktydskrifartikel oor die doeltreffendheid van ivermektien as 'n COVID-19-behandeling, wat vroeg in 2021 voorlopig deur 'n vaktydskrif Frontiers Media vir publikasie aanvaar is, maar wat later van die hand gewys is as gevolg van wat die uitgewer gesê het "'n reeks sterk, nie-ondersteunde eise gebaseer op studies met onvoldoende statistiese betekenisvolheid" wat beteken dat die artikel nie "'n objektiewe [of] gebalanseerde wetenskaplike bydrae tot die evaluering van ivermektien as 'n potensiële behandeling vir COVID-19 bied nie".[4]

Die FLCCC-groep het ook die sepsis-protokol vir COVID-19 aangepas deur 'n kragtiger steroïed te gebruik en 'n antistolmiddel saam met ander elemente by te voeg. Die nuwe naam was MATH+, vir metielprednisoloon,[Nota 2] askorbiensuur, tiamien en heparien,[Nota 3] plus 'n statien, sink, vitamien D, famotidien,[Nota 4] melatonien[Nota 5] en magnesium.[6]

Ander omstredenheid wysig

In Maart 2021 word Marik deur die Virginia Board of Medicine tereggewys en beveel om aanvullende opleiding in voorskryfpraktyke te voltooi nadat bevind is dat hy medikasie, waaronder fenobarbital,[Nota 6] oksikodoon,[Nota 7] tramadol,[Nota 7] alprasolam[Nota 8] en diasepam,[Nota 8] aan mense wat nie sy pasiënte was nie voorgeskryf het.[11][12]

Mediese opvoeding wysig

Marik het aan die Universiteit van die Witwatersrand (WITS) in 1975 begin studeer en het sy mediese graad (Baccalaureus in Geneeskunde en Baccalaureus in Chirurgie) in 1981 behaal. In 1983 het hy 'n diploma in Lugvaartgeneeskunde van die Suid-Afrikaanse Weermag behaal. In 1982 voltooi hy sy internskap by die Hillbrow-hospitaal en hy het na-graadse werk in die H.F. Verwoerd-hospitaal in 1983-1984 en die Johannesburgse Algemene Hospitaal in 1985-1986 voltooi. In 1984 het hy 'n diploma in homeopatiese en alternatiewe medisyne aan die Bantridge Forest School, Oos-Sussex, Engeland verkry.[1][13]

In 1989 het hy 'n M.Med in interne medisyne aan WITS behaal met 'n proefskrif getitld "Prognostiese profiele in akute miokardiale infarksie" en in 1991 'n Baccalaureus in farmakologie (honneurs), met onderskeiding met 'n proefskrif getitld "Die farmakokinetika van amikasien is geanaliseer deur 'n twee-kompartement-model by kritiek siek volwassenes en kinders: 'n Vergelyking van 'n eenmalige versus twee keer daaglikse dosisregime."[1]

Akademiese en kliniese werk wysig

Marik het verskeie akademiese aanstellings in baie dele van die Verenigde State gehad, waaronder Michigan, Massachusetts, Washington, D.C., Pittsburgh en Oos-Virginia. In 2009 word hy aangestel as professor in medisyne in die afdeling vir long- en kritieke sorg van die East Virginia Medical School. In dieselfde jaar is hy as direkteur van die Algemene Intensiewe Sorgeenheid en die Neuro-Intensiewe Sorgeenheid aangestel. In 2014 het hy sy amp aan die Eastern Virginia Medical School behaal.[1]

Lidmaatskappe wysig

Marik het lidmaatskappe en genootskappe van verskeie organisasies, insluitend:[1]

  • 1987 Fellow of the College of Physicians - Kollege vir geneeskunde van Suid-Afrika
  • 1989 Diplomate in Anaesthesia - Kollege vir geneeskunde van Suid-Afrika
  • 1993 Fellow of the Royal College of Physicians and Surgeons of Canada (Internal medicine)
  • 1998 Fellow of the American College of Critical Care Medicine, San Antonio, Texas
  • 1998 Fellow of the American College of Chest Physician, Toronto, Kanada
  • 2005 Fellow of the American College of Physicians, Philadelphia, Pennsilvanië
  • 2010 Physician Nutrition Specialist - American Board of Physician Nutrition Specialists
  • 2011 Geregistreer vir die subspesialiteit van neurokritiese sorg, United Council for Neurological Subspecialities.

Publikasies wysig

In 2001 was Marik skrywer van die boek Handbook of Evidence Based Critical Care, uitgegee deur Springer-Verlag. Dit het positiewe resensies ontvang: "Oor die algemeen is dit 'n uitstekende inleiding tot die konsep van bewysgebaseerde medisyne."[14] Van 2002 tot 2006 was Marik deel van die redaksie van die vaktydskrif "CHEST - The Journal of the American College of Chest Physicians".[15]

Persoonlike lewe wysig

Marik is in 1958 in Johannesburg gebore. Hy is getroud met Susan Marik en hulle het drie kinders.[1]

Aantekeninge wysig

  1. ↑ Hidrokortisoon is die naam van die hormoon kortisol wanneer dit as medikasie voorgeskryf word. Gebruike sluit in toestande soos adrenokortikale ontoereikendheid, adrenogenitale sindroom, hoë kalsium in die bloed, skildklierontsteking, rumatoïede artritis, dermatitis, asma en chroniese obstruktiewe longsiekte.
  2. ↑ Metielprednisoloon is 'n anti-inflammatoriese en immuunonderdrukkende middel.
  3. ↑ Heparien is 'n antistollingsmiddel.
  4. ↑ Famotidien is medikasie wat die produksie van maagsuur verminder.
  5. ↑ Melatonien is 'n hormoon wat die slaap-wakker siklus beheer.
  6. ↑ Fenobarbital word gebruik om epilepsie, slaapprobleme, angs en dwelmonttrekking te behandel.
  7. ↑ 7,0 7,1 Oksikodoon en tramadol is opioïedmedikasies wat gebruik word vir die behandeling van matige tot erge pyn.
  8. ↑ 8,0 8,1 Alprasolam en diasepam is kalmeringsmiddels wat gebruik word om angsversteurings, alkoholonttrekkingsindroom, bensodiasepienonttrekkingsindroom, spierspasmas, slapeloosheid en rustelose bene-sindroom te behandel.

Kyk ook wysig

Verwysings wysig

  1. ↑ 1,0 1,1 1,2 1,3 1,4 1,5 "Paul Ellis Marik - Curriculum Vitae" (pdf). Eastern Virginia Medical School (in Engels). Besoek op 21 Julie 2021.
  2. ↑ 2,0 2,1 Rubin, R (Julie 2019). "Wide Interest in a Vitamin C Drug Cocktail for Sepsis Despite Lagging Evidence". JAMA (in Engels). 322 (4): 291–293. doi:10.1001/jama.2019.7936. PMID 31268477.
  3. ↑ 3,0 3,1 Lee YR, Vo K, Varughese JT (Mei 2021). "Benefits of combination therapy of hydrocortisone, ascorbic acid and thiamine in sepsis and septic shock: A systematic review". Nutr Health (in Engels): 2601060211018371. doi:10.1177/02601060211018371.
  4. ↑ 4,0 4,1 Offord C (2 Maart 2021). "Frontiers Removes Controversial Ivermectin Paper Pre-Publication". The Scientist (in Engels).
  5. ↑ "About us - FLCCC". FLCCC - Front Line COVID-19 Critical Care Alliance (in Engels). 26 Januarie 2021. Besoek op 22 Julie 2021.
  6. ↑ 6,0 6,1 6,2 "What's Behind the Ivermectin-for-COVID Buzz?". MedPage Today. 6 Januarie 2021. Besoek op 22 Julie 2021.
  7. ↑ Marik, Paul E.; Khangoora, Vikramjit; Rivera, Racquel; Hooper, Michael H.; Catravas, John (2017). "Hydrocortisone, Vitamin C, and Thiamine for the Treatment of Severe Sepsis and Septic Shock". Chest (in Engels). Elsevier BV. 151 (6): 1229–1238. doi:10.1016/j.chest.2016.11.036. ISSN 0012-3692.
  8. ↑ "The Marik Protocol: Have We Found a "Cure" for Severe Sepsis and Septic Shock? - Emergency Medicine Blog". REBEL EM - Emergency Medicine Blog (in Engels). 7 April 2017. Besoek op 22 Julie 2021.
  9. ↑ ""Ethically and morally unacceptable": Reaction to vitamin C for sepsis trial". Dietary supplements, Nutraceuticals, Functional foods, Health ingredients, Herbals (in Engels). 28 Januarie 2020. Besoek op 22 Julie 2021.
  10. ↑ "Vitamin C, Thiamine, and Steroids in Sepsis - Study Results". ClinicalTrials.gov (in Engels). Besoek op 22 Julie 2021.
  11. ↑ Mayfield, Adrienne (19 Mei 2021). "EVMS professor reprimanded by Virginia Board of Medicine" (in Engels). WAVY-TV. Besoek op 22 Julie 2021.
  12. ↑ "Case Number 203034" (PDF) (in Engels). Virginia Board of Medicine. 16 Maart 2021. Besoek op 22 Julie 2021.
  13. ↑ "Biography - Dr. Paul E.Marik". benthamscience.com (in Engels). 3 Maart 2017. Besoek op 21 Julie 2021.
  14. ↑ "Handbook of Evidence-Based Critical Care" (PDF). Respiratory Care (in Engels). 48 (6). Junie 2003.
  15. ↑ "New CHEST Editorial Board Members" (PDF). CHEST (in Engels). 122 (1): 13. Julie 2002.
Ontsluit van "https://af.wikipedia.org/w/index.php?title=Paul_E._Marik&oldid=2462960"