Paul Ilyinsky
Paul Dmitrievich Romanovsky-Ilyinsky (27 Januarie 1928 - 10 Februarie 2004) was drie keer burgemeester van Palm Beach, Florida, en die enigste kind van groothertog Dmitri Pawlowitsj van Rusland en sy morganatiese vrou, die Cincinnati-erfgenaam Audrey Emery. Hy was 'n agterkleinseun en, van 1992 tot 2004, die manlike erfgenaam van tsaar Aleksander II van Rusland ('n posisie wat nou deur sy seun gehou word) en 'n kleinneef (first cousin once removed) van Nikolaas II.
Paul Ilyinsky | |
|---|---|
| Gebore | 27 Januarie 1928 |
| Sterf | 10 Februarie 2004 (op 76) |
| Ouer(s) | Groothertog Dmitri Pawlowitsj van Rusland, Audrey Emery |
Lewe
wysigPrins Paul Romanovsky-Ilyinsky is op 27 Januarie 1928 by sy ouers se huis by 26 Manchester Square, Londen, gebore. Sy pa, groothertog Dmitri, is weens sy betrokkenheid by die moord van Grigori Raspoetin in 1916 na die Persiese front gestuur, wat op die ou end sy lewe gered het. Baie van sy familielede, onder andere sy vader en halfbroer, is deur die Bolsjewiste vermoor. Dmitri het ná 'n verhouding met onder andere Coco Chanel in 1926 getrou met die Cincinnati-erfgenaam Audrey Emery. Groothertog Kirill Wladimirowitsj van Rusland, Dmitri se neef en die selfverklaarde keiser in bannelingskap, het groothertog Dmitri, sy vrou en afstammelinge verhoog tot Russiese prinse (Russies: knjaz), 'n rang van adellikheid maar nie konininklikheid nie. Enige kinders van die egpaar sou bekend wees as Romanovsky-Ilyinsky. Die laaste deel van die van is afgelei van Dmitri se voormalige eiendom in Rusland, Ilinskoje.
Ilynskiy se ouers is in 1937 geskei, en Ilyinsky is deur sy ma grootgemaak, hoofsaaklik in Frankryk. In dieselfde jaar is sy met haar haar tweede man, Dimitri Djordjadze, getroud. Hy was 'n lid van die prinslike huis van Georgië. Hulle is ook later geskei. Dmitri Pawlowitsj se gesondheid was nooit goed nie en in 1942 is hy aan komplikasies van sy tuberkulose dood.
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
