Maak hoofkeuseskerm oop

Pieter Johannes (Piet) Potgieter (24 Desember 18226 November 1854) was 'n Voortrekkerleier. Potgieter was die tweede seun en sesde kind van Andries Hendrik Potgieter.[2] Hy is in 1852 (in opvolging van sy vader) as kommandant-generaal van die Zuid-Afrikaansche Republiek aangestel.[3] Die dorp Potgietersrus (letterlik Potgieter se laaste rusplek) was vroeër na hom vernoem.

Piet Potgieter
’n Beeld van die betrokke persoonlikheid.
Oostelike sypaneel van die Krugerstandbeeld op Kerkplein, Pretoria. Veldkornet Paul Kruger dra die lyk van die gesneuwelde kommandant-generaal Piet Potgieter oor die skans voor Makapansgat, November 1854.

Geboortenaam Pieter Johannes Potgieter
Gebore 24 Desember 1822
Cradock, Suid-Afrika
Oorlede 6 November 1854
Makapansgat
Nasionaliteit Vlag van Suid-Afrika Suid-Afrika
Ouers Andries Hendrik Potgieter (1792–1852)
Elizabeth Helena Potgieter (1795–1841)
Titel Kommandant-generaal
Beroep Voortrekkerleier
Bekend vir Beleg van Makapansgat
Huweliksmaat Elsje Maria Alette van Heerden
Kind(ers) Pieter Johannes
Johanna Hendrina (2de)
Pieter Johannes
Johanna Hendrina
Andries Hendrik
Helena Elizabeth
Carel Sebastiaan[1]

In 1854 is veldkornet Hermanus Potgieter, broer van Andries Hendrik Potgieter en oom van kommandant-generaal Piet Potgieter aangeval en vermoor nadat 'n poging om met die Ndebele hoofman, Kgosi Mokopane (Makapan), te onderhandel skeefgeloop het.[4] Piet Potgieter was hewig ontsteld en het met 150 man na Mokopane se kraal opgetrek om Mokopane aan te val. Sy kommando is aangevul deur Marthinus Wessel Pretorius, die Engelse William Hartley en 'n ene dr. Wey van Smithfield, Vrystaat. Mokopane en sy mense is verdryf en het in die Mokopaangrotte gaan skuiling soek. Die boere het hulle van water en kos afgesny en enigiemand wat probeer uitkom het summier geskiet. 'n Skoot uit die grotte het egter vir Potgieter getref waar hy langs Paul Kruger gestaan het, en hy is op slag dood.

Mokopane het blykbaar ontsnap deur homself onder 'n os vas te bind en sy krygers te kry om al die vee uit die grot te dryf.

Potgieter is op sy plaas Middelfontein naby Nylstroom begrawe. Hy is op 30 Mei 1964 op Potgietersrus herbegrawe. Sy graf is in Ruiterweg op die munisipale gronde oorkant die poskantoor.

VerwysingsWysig

  1. Profiel op geni.com
  2. Potgieter, D.J. et al. (eds)(1970). Standard Encyclopaedia of Southern Africa, Cape Town: NASOU, v. 9, p. 67.
  3. Ensiklopedie van Suidelike Afrika, Eric Rosenthal, 1967
  4. The illustrated at the fireside: true Southern African stories – Roger Webster[1]

Sien ookWysig