Praalgraf van die Ajatolla Chomeini
Praalgraf van die Ajatolla Chomeini
Behesht-e Zahra, Teheran
Akbar Hasjemi Rafsandjani se graf binne die Praalgraf van die Ajatolla Chomeini
Opgerig
1989-
Argitek
Mohammad Tehrani
Die Praalgraf van die Ajatolla Chomeini huisves die laaste rusplek van die ontslape ajatolla Roeholla Chomeini en sy tweede oudste seun, Ahmad Chomeini († 1995). Die grafkompleks, wat deur die argitek Mohammad Tehrani ontwerp is, is sowat tien kilometer suid van die Iranse hoofstad Teheran op die Behesht-e Zahra ("Paradys van Zahra")-begraafplaas geleë.
Boubedrywighede vir die kompleks het kort ná Chomeini se afsterwe op 3 Junie 1989 begin. Dele van die kompleks is tans nog in aanbou, en ná sy voltooiing sal dit 'n oppervlakte van meer as 20 km² beslaan, met die praalgraf as sy sentrale gedeelte en bykomende geboue, waaronder 'n kultuur- en toerismesentrum, 'n universiteit vir Islamitiese studies, 'n seminarie, 'n winkelsentrum, en 'n parkeerterrein vir 20 000 motors. Die Iranse regering sal altesaam $2 miljard aan die projek bestee.
Die kompleks is 'n pelgrimsoord vir aanhangers van Chomeini, en meer as tien miljoen mense het sy begrafnis bygewoon. Ook regeringslede en buitelandse persoonlikhede bring besoeke aan die praalgraf wat deur Chomeini se kleinseun, Hassan Chomeini, bestuur word. Die kompleks is toeganklik vir aanhangers van ander gelowe.
Eksterne skakels wysig
Wikimedia Commons het meer media in die kategorie Praalgraf van die Ajatolla Chomeini.
