Prins Andrew Romanoff

(Aangestuur vanaf Prins Andrew Romanov)

Prins Andrew Romanoff (gebore as Andrew Andreevich Romanov; Afrikaanse transliterasie: Andrei Andrejewitsj Romanof; 21 Januarie 192328 November 2021)[1][2] was ’n Russies-Amerikaanse kunstenaar en skrywer. Hy was ’n kleinneef van Rusland se laaste keiser, Nikolaas II, en 'n agter-agter-kleinseun in die manlike lyn van tsaar Nikolaas I. Sedert prins Dmitri Romanof se dood op 31 Desember 2016 was hy ’n aanspraakmaker op die hoofskap van die Huis van Romanof en president van die Romanof-familievereniging. Hy is ná sy dood opgevolg deur sy seun, prins Alexis Romanov, ook bekend as Alex Romanoff.

Prins Andrew Romanoff
Gebore
Andrew Andreevich Romanov

(1923-01-21)21 Januarie 1923
Sterf28 November 2021 (op 98)
BeroepKunstenaar, skrywer
Bekend virHoof van die Huis van Romanof (betwis)
TitelPrins van Rusland
(Huis van Holstein-Gottorp-Romanof)
Termyn31 Desember 2016 – 2021
VoorgangerPrins Dmitri Romanof
OpvolgerPrins Alexis Romanov
EggenootElena Dourneva
Kathleen Norris
Inez von Bachelin
Ouer(s)Prins Andrei Aleksandrowitsj van Rusland en Elisabetha Ruffo

Biografie wysig

 
Prins Andrew Romanoff (middel) saam met die Russiese miljardêr Arkadi Wolozj (regs).

Romanoff is in Londen, Engeland, gebore as seun van prins Andrei Aleksandrowitsj van Rusland en sy eerste vrou, Elisabetha Sasso-Ruffo.[3] Hy was die hoof van die familie van sy oupagrootjie, tsaar Aleksander III. Hy was die oudste lewende kleinseun in die manlike lyn van groothertog Aleksander Michailowitsj van Rusland en sy vrou, groothertogin Ksenia Aleksandrowna, die oudste suster van Nikolaas II;[4] hy was dus die laaste tsaar se naaste verwant in die Romanof-familie. Sy peetpa was Edward VIII van die Verenigde Koninkryk.[5] Die gesin het in sy kinderjare in ’n gastehuis by Windsor-kasteel gewoon.[6]

Hy het in die Tweede Wêreldoorlog in die Britse vloot gedien. In 1949 het hy Brittanje verlaat en na die VSA verhuis, waar hy ’n ruk lank as ’n timmerman gewerk het.[7] Hy het op 20 Desember 1954 ’n Amerikaanse burger geword.[4]

In Amerika het Romanoff in Kalifornië gewoon. Hy het in 2007 ’n outobiografie, The Boy Who Would Be Tsar, die lig laat sien; dit is met sy eie kunswerk geïllustreer. Hy het ook al wêreldwyd uitstallings gehou.

Hy was getroud met Inez von Bachelin, sy derde vrou. Hy het drie seuns uit sy vorige huwelike gehad, onder andere sy opvolger, prins Alexis Andreievich Romanov.

Titel en aanspreekvorm wysig

  • In Afrikaans: Sy Hoogheid prins Andrei Andrejewitsj van Rusland

L.W. Sedert die Russiese Rewolusie gebruik ander lede van die keiserlike familie nie eintlik meer "van Rusland" agter hulle naam nie – eerder die prinslike titel met die van Romanof agteraan.[8]

Verwysings wysig

  1. Скончался А. А. Романов (1923—2021) / Сайт Российского Императорского Дома, 29.11.2021
  2. Allen, Ike (8 Desember 2021). "Prince Andrew Romanoff, 1923—2021". Point Reyes Light. Besoek op 3 Januarie 2022.
  3. Almanach de Gotha. Gotha: Justus Perthes. 1944. p. 113.
  4. 4,0 4,1 Lundy, Darryl. "The Peerage". Besoek op 3 Oktober 2007.
  5. van der Kiste, John; Coryne Hall (2004). Once A Grand Duchess. Sutton Publishing. p. 209. ISBN 0-7509-3521-9.
  6. Farr, Kristin (5 Februarie 2007). "Art Review : Andrew Romanoff: The Boy Who Would Be Tsar" (in Engels). Geargiveer vanaf die oorspronklike op 16 Julie 2008. Besoek op 3 Oktober 2007.
  7. Liberatore, Paul (22 Januarie 2007). "Liberatore at Large: Shrinky Dink autobiography tells the storybook life of a Russian prince in Inverness" (in Engels). Geargiveer vanaf die oorspronklike op 27 September 2011. Besoek op 3 Oktober 2007.
  8. Almanach de Gotha (186de uitg.). 2003. p. 314. ISBN 0-9532142-4-9.

Eksterne skakels wysig