'n QR-kode (afgekort van Quick Response) is 'n soort matriksstaafkode (of tweedimensionale kode) wat aanvanklik vir die motornywerheid ontwerp is. Meer onlangs het die stelsel gewild geword buite die bedryf weens die snelle leesbaarheid daarvan en betreklik groot datakapasiteit. Die kode bestaan uit swart modules in 'n vierkantige rangskikking op 'n wit agtergrond. Die geënkodeerde inligting kan uit vier gestandaardiseerde dataformate (numeries, alfanumeries, binêre grepe, Kanji) bestaan, of deur gerugsteunde verlengings byna enige datasoort.[1]

QR-kode vir die URL van die Afrikaanse Wikipedia se mobiele hoofblad, "http://af.m.wikipedia.org"

Die kode wat deur die Toyota-filiaal Denso Wave in 1994[2] ontwerp is vir voertuigmonitering in die vervaardigingsproses, is een van die mees gewilde tweedimensionale staafkodevariante. Dit is ontwerp met die oogmerk om die inhoud vinnig ontleedbaar te maak.[3]

Die tegnologie is ook geredelik in die Verenigde State gebruik, en onlangs brei die aanwending daarvan die vinnigste uit in Kanada en Hong Kong.[4]

Sien ookWysig

VerwysingsWysig

  1. "QR Code features" (in Engels). Denso-Wave. Geargiveer vanaf die oorspronklike op 4 Junie 2012. Besoek op 3 Oktober 2011.
  2. Borko Furht (2011). Handbook of Augmented Reality. Springer. p. 341.
  3. "QR Code – About 2D Code" (in Engels). Denso-Wave. Geargiveer vanaf die oorspronklike op 25 Mei 2012. Besoek op 3 November 2011.
  4. "Global Growth in Mobile Barcode Usage – Q4 / 2010". 3GVision. 2011-01-05. Besoek op 2011-12-23.