Quartier Latin
- Hierdie artikel gaan oor die Quartier Latin van Parys. Vir die Quartier Latin van die Kanadese stad Montreal, sien Quartier latin de Montréal.
Die bekende historiese buurt Quartier Latin lê in die Vyfde en Sesde Arrondissement van Parys. Dit strek van die stadswyk Saint-Germain-des-Près tot by die Jardin du Luxembourg. Die buurt kry sy naam vanweë die feit dat die Middeleeuse skole en universiteite se enigste voertaal Latyn is.
Die Quartier Latin lê op 'n terrein wat in die Romeinse tydperk die forum of stadsentrum van die antieke Lutetia is; in 1869 word tydens bouwerk in die rue Monge oorblyfsels van die Romeinse amfiteater uit die eerste eeu n.C. opgegrawe.
Die Quartier Latin is nie werklik 'n stadswyk (Frans: quartier) van die Franse hoofstad nie, maar 'n historiese buurt met die Quartier de la Sorbonne in die Vyfde Arrondissement as sy sentrum.