Republiek Komi
Die Republiek van Komi (Russies: Республика Коми) is ’n outonome republiek (’n deelgebied van Rusland) wat in die noordoostelike hoek van Europese Rusland lê. Die Oeralgebergte vorm die oosgrens. Die belangrikste riviere is die Petsjora in die noorde en die Witsjegda in die suide. ’n Kwart van die bevolking praat Komi-Sirjeens, ’n Fins-Oegriese taal.
| Republiek van Komi Коми Республика | ||||
| ||||
| Die ligging van Komi in Rusland. | ||||
| Politieke status | ||||
| Land |  Russiese Federasie
| |||
| Federale distrik | Noordwes | |||
| Ekonomiese streek | Noord | |||
| Stigting | 22 Augustus 1921 | |||
| Regering | ||||
| Hoofstad | Siktifkar | |||
| Leier | Wladimir Oejba | |||
| Amp | Hoof | |||
| Wetgewer | Staatsraad | |||
| Bevolking | ||||
| Sensus | 2010 | |||
| Totaal | 901 189 | |||
| Volgorde | 58ste | |||
| Digtheid | 2,17/km2 | |||
| Stedelik | 76,9% | |||
| Plattelands | 23,1% | |||
| Statistiek | ||||
| Oppervlakte | 415 900 km2 | |||
| Volgorde | 13de | |||
| Tydsone | UTC+04:00 | |||
| Registrasienommer | 11 | |||
| Amptelike tale | Russies, Komi-Sirjeens | |||
| Webtuiste | http://www.rkomi.ru/en/ | |||
| Wapen en vlag | ||||
  | ||||
| ||||
Ekonomie en geskiedenis
wysig
Die belangrikste bestaansmiddele is jag, vissery en die houtnywerheid. Die grootste nywerheidsentrums is Workoeta, Inta, Petsjora en Oechta (steenkool, aardolie, aardgas, ystererts), wat alles langs die Noordelike spoorlyn gevind word. Dié spoorlyn loop na die suidwestelike Kotlas, ’n stad in Archangelsk-oblast en na die noordooste na Labitnangi in die outonome okroeg Jamalië in Wes-Siberië.
In baie stede is Goelag-strafkampe gevestig – veral Workoeta was berug vir sy kamp. ’n Groot deel van die nywerheid en infrastruktuur het tussen 1929 en 1953 ontstaan met die hulp van honderdduisende Goelag-dwangarbeiders. In die dertigerjare het die NKVD die gebied vir ’n tyd lank self bestuur. In dié tyd is die gebied ook "gesuiwer" van nasionalistiese en invloedryke mense, wetenskaplikes, etniese Duitsers en baie ander "vyande van kommunisme". Duisende mense is ook hierheen gebring om die gebied te bewoon en te ontwikkel.
In 1936 is meer as 2 000 gevangenes tegelykertyd tereggestel (waarvan ’n deel lewend verbrand is) by die rivier Oechtarka ná ’n opstand in een van die kampe van die Oecht-Petsjlag.[1]
Komi was van 1921 af ’n outonome oblast en van 1938 af ’n outonome Sowjetrepubliek (OSSR). Ná die val van die Sowjetunie het die gebied sy huidige status van outonome republiek gekry. Sy ongerepte woude is 'n Unesco-wêrelderfenisgebied.
Groot stede en dorpe
wysig- Siktifkar (Сыктывкар) – 230 011 inwoners
- Oechta (Ухта) – 103 340
- Workoeta (Воркута) – 84 917
- Petsjora (Печора) – 48 700
- Oesinsk (Усинск) – 45 358
- Inta (Инта) – 41 217
- Sosnogorsk (Сосногорск) – 29 587
- Worgasjor (Воргашор) – 19 100
- Jemwa (Емва) – 16 739
- Woektil (Вуктыл) – 14 472
- Sewerni (Северный) – 12 028
- Nizjni Odes (Нижний Одес) – 11 745
- Mikoen (Микунь) – 11 680
- Wilgort (Выльгорт) – 10 211
- Zjesjart (Жешарт) – 10 029
Verwysings
wysig
Wikimedia Commons het meer media in die kategorie Republiek Komi.- (en) (fr) Amptelike UNESCO bladsy
