Robert G. Nairn (gebore in 1950) is 'n Suid-Afrikaanse Boeddhistiese onderwyser en skrywer. Hy is gebore en het grootgeword in Rhodesië. Nairn is 'n volgeling van Tibetaanse Boeddhisme; spesifiek Karma Kagyu.[1]

Akademiese opvoeding en regsloopbaan wysig

Nadat hy gradueer aan die Universiteit van Rhodesië met 'n LL.B (Hons) (Londen) ontvang hy 'n Statebondsbeurs vir nagraadse studie in die Verenigde Koninkryk. Hy studeer daarna kriminologie en sielkunde aan King's College, Londen en verwerf ook 'n nagraadse diploma in kriminologie aan die Universiteit van Edinburgh. Daarna keer hy na Rhodesië terug om aldaar te praktiseer as advokaat van die Hooggeregshof. [1]

Nairn is op 21-jarige leeftyd aangestel as landdros, wat hom die jongste persoon gemaak het om aangestel te word in die pos in die destydse Rhodesië. [1] Hy het voortgegaan om die privaatsekretaris van die Minister van Justisie, Reg en Orde van daardie land te word, asook 'n senior dosent in die Regte en kriminologie aan die destydse Universiteit van Rhodesië.

Nairn het na Suid-Afrika verhuis en 'n senior lektor in die Regte aan die Universiteit van Kaapstad, en later 'n professor in regte en kriminologie en die direkteur van die Instituut vir Kriminologie aan dieselfde instelling, geword. In 1979 publiseer Nairn 'n artikel getiteld "To read or not to Read, Aspects of Prisoners's Rights", [2] wat die onregmatigheid van Suid-Afrikaanse wetgewing wat gevangenisbeamptes toegelaat het om leesstof van gevangenes te weerhou, blootgelê het.

Boeddhistiese oortuigings wysig

Nairn se eerste kontak met Boeddhisme was met 'n Theravadiniese (Theravada) monnik in die 1960's. [3] Hy is vir ongeveer tien jaar in hierdie tradisie opgelei. Van 1989 tot 1993 is hy een van die persone wat deel is van 'n tydperk van vier jaar se spirituele isolasie by die Kagyu Samyé Ling-klooster en die Tibetaanse sentrum in Skotland [4][5]

Nairn was die verteenwoordiger in Afrika van wyle Akong Rinpoche, en is verantwoordelik vir elf Boeddhistiese sentra in Suid-Afrika en drie ander Afrikalande. [1]

Aangesien hy deur Tenzin Gyatso, die 14de Dalai Lama opdrag gegee is om meditasie en Boeddhisme in 1964 te onderrig, en ook opdrag gegee is deur Rangjung Rigpe Dorje, die 16de Gyalwa Karmapa, om onderrig te gee in insigmeditasie in 1979, het Nairn 'n groot deel van sy tyd aan onderrig en die bestuur van oorde in Suider-Afrika sowel as die Verenigde Koninkryk, Ierland, Ysland, [6] die Verenigde State, Italië, Nederland en Duitsland spandeer.

Eksterne skakels wysig

Bibliografie wysig

DVDs wysig

Verwysings wysig

  1. 1,0 1,1 1,2 1,3 "Rob Nairn, profile on Samye Ling web site". Besoek op 7 Augustus 2008.
  2. Nairn RG, To Read or not to Read, Aspects of Prisoners's Rights, South African Journal of Criminal Law and Criminology, 3 , 57-60, 1979
  3. "Holistic shop Interview with Rob Nairn". Geargiveer vanaf die oorspronklike op 18 April 2009. Besoek op 7 Augustus 2008.
  4. http://www.mindfulnessassociation.org/
  5. "argiefkopie". Geargiveer vanaf die oorspronklike op 4 Maart 2016. Besoek op 19 Augustus 2020.
  6. "Rob Nairn's 2007-2008 programme on the Meditation Centre for World Peace (Reykjavík, Iceland) webwerf". Geargiveer vanaf die oorspronklike op 13 Augustus 2016. Besoek op 19 Augustus 2020.