Wikipedia

Roesski wojenni korabl, idi na choei!

digitale opname en frase van 'n Oekraïense soldaat tydens die Slag van Slangeiland, wat op die internet versprei het

"Roesski wojenni korabl, idi na choei!" (Russies: Русский военный корабль, иди нахуй), was die laaste opmerking deur Roman Hribof, wat op Slangeiland in die Swartsee gestasioneer was tydens die Russiese aanval op die eiland op 24 Februarie 2022, wat deel was van die Russiese inval van 2022 in Oekraïne. Dit kan vertaal word as "Russiese oorlogskip, fok weg." Letterlik beteken dit "gaan (sit) op 'n piel". Die Russiese kruiser Moskwa het die Oekraïense soldate op die eiland beveel om oor te gee, waarna die verdedigers dié opmerking gemaak het. Die 13 Oekraïners op die eiland is gevange geneem.

"Roesski wojenni korabl, idi na choei!", 'n advertensiebord in Russies in 'n straat in Dnipro, Oekraïne.
'n Opstand ten gunste van Oekraïne in Columbus, Ohio (26 Februarie 2022).

Opnames van die gesprek is wyd op die internet versprei en het gou gewild geraak. Dit word sedertdien gebruik as 'n uitroep van die Oekraïense weermag en burgerlikes wat teen die inval betoog. Aanvanklik was daar gerugte dat die soldate op Slangeiland vermoor is en die Oekraïense president, Wolodimir Zelenski, het aangekondig hy sou aan die soldate "nadoods" die hoogste toekenning, Held van Oekraïne, toeken.[1][2][3][4]

'n Ander uitdrukking wat op die internet gewild geraak het, reeds in 2014 maar veral sedert die Russiese inval, is Poetin – choeilo! ("Poetin is 'n pielnek!")

Spesiale posseël wysig

 
Die seël met die Russiese kruiser Moskwa en 'n Oekraïense soldaat wat dit die middelvinger gee.

Op 1 Maart 2022 het Oekrposjta, die Oekraïense posdiens, 'n kompetisie van stapel gestuur om 'n posseël met die frase as tema uit te bring.[5][6] Op 12 Maart 2022 is aangekondig die kunstenaar Boris Groch se werk het die kompetisie gewen.[7][8]

Volgens die webtuiste Snopes het Groch sy hele lewe in Jefpatoria op die Krim gewoon en het hy studeer om 'n kunstenaar te word. Vanweë die Russiese anneksasie van die Krim in 2014 moes hy noodgedwonge sy huis verlaat en na Kijif en later na Lwif trek.[9] Oekrposjta het die stel posseëls op 12 April uitgegee.[10][11]

Op die stel herdenkingseëls is 'n Oekraïense soldaat wat die Russiese kruiser Moskwa die middelvinger gee.[12] 'n Binne- en buitelandse weergawe is beskikbaar. Die kleure van die seël herinner aan die geel en blou van die Oekraïense vlag. President Zelenski het 'n foto van hom met die seël laat neem en gesê Russiese oorlogskepe moet net in een rigting vaar.[13]

Nadraai wysig

Op 24 Maart 2022 is van die wagte van Slangeiland, insluitende Hribof, aan Oekraïne terugbesorg as deel van 'n gevangene-uitruilprogram.[14] Op 29 Maart 2022 het Hribof na sy huis in die Tsjerkasi-oblast teruggekeer, waar hy 'n medalje vir sy optrede gekry het.[15][16]

Op 13 April 2022 het twee Oekraïense amptenare gesê dat die Moskwa deur Oekraïense R-360 Neptune-teenskipmissiele getref is en in onstuimige see aan die brand was. Die Russiese departement van verdediging het gesê die skip is ernstig beskadig nadat 'n brand 'n ammunisie-ontploffing veroorsaak het, sonder enige verwysing na die Oekraïense aanval. Die volgende dag, ná 'n poging om dit aan wal te sleep, het Russiese amptenare bevestig dat die skip gesink het.[17] Dit was twee dae ná die uitreiking van die spesiale posseël van die soldaat wat die Moskwa die middelvinger gee.

Verwysings wysig

  1. ↑ Romanenko, Valentina (25 Februarie 2022). "Русский корабль, иди на х.й!": захисники Зміїного відповіли ворогові ["Russian ship, go fuck yourself": Defenders of the Serpent responded to the enemy]. Ukrayinska Pravda (in Oekraïens). OCLC 1066371688. Geargiveer vanaf die oorspronklike op 25 Februarie 2022. Besoek op 28 Februarie 2022.
  2. ↑ Balmforth, Tom (25 Februarie 2022). Trevelyan, Mark; Jones, Gareth (reds.). "'Russian warship, go fuck yourself': Kyiv to honour troops killed on island" (in Engels). Reuters. Geargiveer vanaf die oorspronklike op 26 Februarie 2022. Besoek op 28 Februarie 2022.
  3. ↑ "Ukraine soldiers told Russian officer 'go fuck yourself' before they died on island". The Guardian (in Engels). 25 Februarie 2022. eISSN 1756-3224. ISSN 0261-3077. OCLC 60623878. Geargiveer vanaf die oorspronklike op 25 Februarie 2022. Besoek op 28 Februarie 2022.
  4. ↑ Campione, Katie (25 Februarie 2022). "'Go Fuck Yourself': Ukrainian Soldiers Celebrated as Viral Heroes for Last Words to Russian Warship". TheWrap (in Engels). Geargiveer vanaf die oorspronklike op 25 Februarie 2022. Besoek op 27 Februarie 2022.
  5. ↑ Ukrposhta (1 March 2022). "Ukrposhta announced an All-Ukrainian popular competition for the development of the sketch of the postage stamp "Russian warship, fuck you!"" (in en). Persberig. https://www.ukrposhta.ua/en/news/57568-ukrposhta-announced-an-all-ukrainian-popular-competition-for-the-development-of-the-sketch-of-the-postage-stamp-russian-warship-fuck-you. Besoek op 9 March 2022. "On March 1, on the 30th anniversary of the modern Ukrainian stamp, Ukrposhta announced an All-Ukrainian popular competition for the development of the sketch of the postage stamp "Russian warship, fuck you!" 
  6. ↑ Casiano, Louis (1 Maart 2022). "Ukraine announces postage stamp creation contest; examples include image of Zelenskyy spanking Putin" (in Engels (VSA)). Fox News. Geargiveer vanaf die oorspronklike op 9 Maart 2022. Besoek op 9 Maart 2022.
  7. ↑ Michael, Chris (12 Maart 2022). "Ukraine reveals 'Russian warship, go fuck yourself' postage stamp". The Guardian. Geargiveer vanaf die oorspronklike op 12 Maart 2022. Besoek op 12 Maart 2022.
  8. ↑ Cohen, Rebecca (8 Maart 2022). "Ukraine's postal service announces it'll release a commemorative 'Russian warship, go f#ck yourself' stamp". Business Insider. Geargiveer vanaf die oorspronklike op 12 Maart 2022. Besoek op 12 Maart 2022.
  9. ↑ Evon, Dan (17 Maart 2022). "Does Ukraine Stamp Design Commemorate 'Russian Warship, Go F*ck Yourself' Moment?". Snopes. Besoek op 19 Maart 2022.
  10. ↑ "Укрпошта випустила мільйон поштових марок "Русскій воєнний корабль, іді …!"". Ukrposhta (in Oekraïens). 12 April 2022. Geargiveer vanaf die oorspronklike op 15 April 2022. Besoek op 15 April 2022.
  11. ↑ Stinkefinger für die Russen: Ukrainische Post bringt neue Briefmarke heraus. In: rnd.de. 12 April 2022. Besoek op 14 April 2022. (in Duits)
  12. ↑ "Russian Warship Moskva Is Featured in New Ukrainian Postage Stamp". The Wall Street Journal (in Engels). Besoek op 15 April 2022.
  13. ↑ Jörg Heinrich: Ukraine-Post: Briefmarken zeigen Russland den Mittelfinger. In: wuv.de. 13 April 2022. Besoek op 14 April 2022. (in Duits)
  14. ↑ "Роман Грибов, ставший автором фразы "русский корабль, иди на**й", вернулся из плена". ВЕСТИ (in Russies). 29 Maart 2022. Besoek op 29 Maart 2022.
  15. ↑ Sauer, Pjotr (29 Maart 2022). "Ukraine gives medal to soldier who told Russian officer to 'go fuck yourself'". The Guardian. Besoek op 30 Maart 2022.
  16. ↑ Achom, Debanish (29 Maart 2022). "Ukraine Welcomes Home Soldier Who Told "Go F*** Yourself" To Russians". NDTV. Besoek op 29 Maart 2022.
  17. ↑ Pjotr Sauer; Julian Borger (14 April 2022). "Russia says Moskva cruiser has sunk after reported Ukrainian missile strike". The Guardian. Geargiveer vanaf die oorspronklike op 14 April 2022. Besoek op 14 April 2022.

Skakels wysig

Ontsluit van "https://af.wikipedia.org/w/index.php?title=Roesski_wojenni_korabl,_idi_na_choei!&oldid=2540261"