Shanganirivier

rivier in Zimbabwe

Die Shanganirivier in Zimbabwe is 'n boloop van die Zambezirivier.

Shanganirivier
Stroomgebied van die Gwayi met die Shanganirivier in die middel
Stroomgebied van die Gwayi met die Shanganirivier in die middel
Stroomgebied Zimbabwe
Oorsprong tussen Bulawayo en Gweru, Zimbabwe
Monding Gwayirivier
Oorsprong-hoogte 1 500 m
Monding-hoogte 892 m
Stroomgebiedopp. 10 000 km²
Ligging van Shanganirivier op 'n kaart (Zimbabwe)
Shanganirivier
Shanganirivier
Koördinate: 18°30′32.76″S 27°11′34.04″O / 18.5091000°S 27.1927889°O / -18.5091000; 27.1927889Koördinate: 18°30′32.76″S 27°11′34.04″O / 18.5091000°S 27.1927889°O / -18.5091000; 27.1927889

Die rivier ontspring noordoos van Fort Rixon (noordoos van Bulawayo) en 16 km suidwes van die dorp Shangani (noordwes van Gweru). Dit is by 19° 57′ suid en 29° 23′ 50″ oos en op 'n hoogte van 1500 m bo seespieël. Daarna vloei die rivier noordweswaarts deur die gebied wes van Gweru en Kwekwe en die provinsies Midlands, Matabeleland-Suid en Matabeleland-Noord. Die Vungurivier sluit uit die suidooste, die Gwerurivier uit die noorde en die Kanarivier uit die ooste by die Shanganirivier aan voordat dit self by 18° 30′ 42 suid en 27° 11′ 15″ oos by die Gwayirivier aansluit. Saam met sy takriviere het die Shangani 'n opvanggebied van meer as 10 000 km².

In 1893 was die omgewing van die rivier die terrein van hewige botsings tussen die inheemse bevolking en die magte van die British South Africa Company. Op 25 Oktober was daar gevegte waarin baie Britse setlaars gesneuwel het. Maj. Allan Wilson (Skotland, 1856) en sy Shangani-patrollie is op 4 Desember deur die Matabele in 'n hinderlaag gelei. Al 34 lede van die verkennerskorps het omgekom. Die Allan Wilson-gedenkteken staan op 'n afgeleë plek langs die rivier.

BibliografieWysig

  • afrika21.africa
  • zimfieldguide.com