Sjesjonk I

	Sjesjonk I
	Hedjcheperre
	’n Sfinks van farao Sjesjonk I (Brooklyn-museum, New York).
	Farao van die 22ste Dinastie
Periode	943-922 v.C.
Voorganger	Psoesennes II
Opvolger	Osorkon I
Vader	Nimlot A
	Sjesjonk I in Egiptiese hiërogliewe
	Praenomen of troonnaam
;	;
	Nomen of geboortenaam
Portaal	Antieke Egipte

Hedjcheperre Setepenre Sjesjonk I (ook bekend as Sjesjonq I of Shoshenq I) was die eerste farao en stigter van Antieke Egipte se 22ste Dinastie. Hy het van omstreeks 943 tot 922 v.C. regeer. Hy was van Libiese afkoms.^[1]

Sjesjonk was die seun van Nimlot A, opperhoof van die Ma, en sy vrou, wat self ’n dogter van die opperhoof was. Hy word dalk in die Bybel genoem as Sisak (1 Kon 14:25; 2 Kro 12:1-12).

Bewind

Die Libiese konsep van regering was die parallelle bestaan van leiers wat deur bloed of huwelike verbind was. Sjesjonk en sy onmiddellike opvolgers het op dié manier hul houvas oor die hele Egipte gekonsolideer. Hy het die erflike opeenvolging van die hoëpriesters van Amoen beëindig; hy en sy opvolgers het eerder mense, meestal hul eie seuns, in die posisie aangestel. Dié praktyk sou ’n eeu lank gevolg word^[2]

Teen die einde van sy bewind het hy ’n aggressiewe buitelandse beleid in die Midde-Ooste gevolg. Dit blyk onder meer uit die basis van ’n standbeeld met sy naam op wat in Bublos, Libanon, ontdek is asook lyste stede in die streek wat op die mure van tempels van Amoen by al-Hibah en Karnak uitgekerf is.

Daar is egter geen melding van ’n aanval teen Jerusalem nie, en dit laat sommige geleerdes twyfel of hy wel die Bybelse Sisak was.^[3] Van die verowerde stede sluit wel die name van Antieke Israeliese forte in.

Sjesjonk het ook veldtogte in Nubië en Palestina gevoer en verskeie stede in laasgenoemde verower.^[4]

Verwysings

Hierdie artikel is vertaal uit die Engelse Wikipedia

↑ The New Encyclopaedia Britannica, Encyclopaedia Britannica, 2002, v.7, p.733.
↑ De Mieroop, Marc Van (2007). A History of Ancient Egypt. Malden, MA: Blackwell Publishing. p. 400. ISBN 978-1-4051-6071-1.
↑ K.A. Kitchen, On the Reliability of the Old Testament, William Erdsman & Co, 2003. ble. 10, 32-34 & 607
↑ de Mieroop, Marc Vab (2007). A History of Ancient Egypt. Malden, MA: Blackwell Publishing. p. 400. ISBN 978-1-4051-6071-1.

Eksterne skakels

The Campaign of Pharaoh Shoshenq I in Palestine, deur Kevin A. Wilson
Die Palestynse Veldtog van Sjesjonk I
Wikimedia Commons het meer media in die kategorie Sjesjonk I.

[1] The New Encyclopaedia Britannica, Encyclopaedia Britannica, 2002, v.7, p.733.

[2] De Mieroop, Marc Van (2007). A History of Ancient Egypt. Malden, MA: Blackwell Publishing. p. 400. ISBN 978-1-4051-6071-1.

[3] K.A. Kitchen, On the Reliability of the Old Testament, William Erdsman & Co, 2003. ble. 10, 32-34 & 607

[4] Mieroop, Marc Vab (2007). A History of Ancient Egypt. Malden, MA: Blackwell Publishing. p. 400. ISBN 978-1-4051-6071-1.

[1]

[2]

[3]

[4]