Slag van Renosterkop

Die Slag van Renosterkop het op 29 November 1900 plaasgevind tydens die Tweede Vryheidsoorlog (Anglo-Boereoorlog). 'n Boeremag onder bevel van genl. Ben Viljoen behaal 'n oorwinning oor 'n Britse mag onder bevel van generaalmajoor Arthur Paget. Die slag het plaasgevind op 'n koppie genaamd Renosterkop (ook Rhenosterkop) sowat 30 km noord van Bronkhorstspruit.

Slag van Renosterkop
Deel van Tweede Vryheidsoorlog
Datum 29 November 1900 Ligging Renosterkop, 30 km noord van Bronkhorstspruit Resultaat Boere-oorwinning
Strydende partye
Verenigde Koninkryk	Zuid-Afrikaansche Republiek (Transvaal)  Oranje-Vrystaat
Bevelvoerders
Arthur Paget	Ben Viljoen
Sterkte
5000	500
Ongevalle
106 ongevalle, 15 dood	24 ongevalle, 2 dood

Agtergrond

Die Britte was vasberade om 'n Boerekommando, onder bevel van Viljoen, uit te wis wat noordoos van Pretoria bedrywig was. Vir dae was daar toevallige skermuselinge tussen die twee magte. Viljoen het toe besluit om homself in te grawe op die reeks heuwels om en op die groot heuwel Renosterkop.

Op 27 November verneem hy dat 'n Britse mag van 5000 man hom nader. Hy stuur 'n verkenningmag uit terwyl die res van sy manskappe hulle ingrawe oor 'n front van 5 km. Hy het slegs 500 man tot sy beskikking gehad. Hy ook twee kanonne gehad, 'n Maxim Nordenfeldt 15-ponder en 'n Kruppkanon. Die 15-ponder was nie in 'n goeie toestand nie en daar was slegs 14 rondtes ammunisie vir die Krupp oor.

Op die 27^ste het die verkenningmag met die Britse mag kontak gemaak en hulle val terug na die Boerestellings. Op 28 November het die Britte met 'n artellerie-aanslag begin wat die hele dag geduur het.

Op 29 November het Paget 'n frontaanval geloods. Dit het begin met 'n infanterieaanval op Viljoen se linkerflank maar dit was afgeslaan deur die Boere met akkurate geweer en vuur vanaf die Maxim Nordenfeldt. Die tweede aanval was teen die middel van die front en was ook afgeslaan deur die Boeremagte. Die derde aanval was ook teen die middel van die front, hierdie keer meer aan die regterkant waar Viljoen self gewag het. Weereens word die aanval afgeslaan met groot verliese aan die Britse kant. Die Britse magte het teruggeval om voort te gaan die volgende dag. Die Boeremagte het egter in die nag onttrek omrede hulle ammunisie en ander voorraad opgeraak het.

Verliese

Die Britte het 106 ongevalle gely waarvan 15 gesneuweldes was terwyl die Boere 24 ongevalle gehad het waarvan slegs 2 gesneuweldes was.

Sien ook

• Skermutselinge van die Tweede Vryheidsoorlog

Bronne

• The War Reporter. J.E.H. Grobler. Jonathan Ball Publishers. 2004. ISBN 978-1-86842-186-2
• Field Guide to the BATTLEFIELDS of South Africa Nicki von der Heyde. 2013 ISBN 978 1 43170 100 1