Germania Superior: Verskil tussen weergawes

 

Die Romeinse stadhouer se setel was Mogontiacum, die huidige Mainz.

 

Met die veldtogte onder die heerskappy van [[Augustus]] het die Germaanse gebiede wes van die [[Ryn]] onder 'n Romeinse militêre bewind gekom. Saam met Germania Inferior het die provinsie onder keiser [[Domitianus]] omtrent 85 n.C. 'n burgerlike administrasie gekry.

 

Die provinsie is veral met die oog op die militêre beskerming van Gallië gestig, en vanweë sy ligging by die grens van die Romeinse Ryk is hier 'n groot aantal legioene gestasioneer, met hoofkwartiere in Mogontiacum, Argentorate (die huidige [[Straatsburg]]) en tydelik ook Vindonissa (Windisch, Aargau), wat almal deur hulptroepe langs die Bo-Germaans-Retiese Limes aangevul is.

 

Aanvanklik het Romeinse soldate met hulle beduidende koopkrag in die gebied oorheers, maar met die begin van die vreedsame periode vanaf die laat 1ste tot by die 3de eeu is die provinsie in ''civitates'' verdeel - groter nedersettings wat as hoofsentra van die verskillende omliggende stamgebiede gedien het.

 

Dit is tans ook nie bekend tot watter ''civitas'' die hoofstad Mogontiacum (Mainz) behoort het. Daar is spekulasies of die Aresacers in die omgewing ('n deelstam van die Treverers) 'n selfstandige ''civitas'' gevorm het. Die gebied in die omgewing van Mogontiacum het moontlik ook 'n militêre administrasie gehad en was dus regstreeks ondergeskik aan die stadhouer van Germania Superior. Ons het ook geen kennis oor die administratiewe besonderhede van die mees noordelike gebiede van die provinsie (die streek rondom Confluentes, die huidige Koblenz) nie.

 

In die laat-antieke tydperk is die provinsie onder die heerskappy van keiser [[Diocletianus]] in Germania Prima in die noorde en Maxima Sequanorum in die suide verdeel. Die twee gebiede was aan die diosees Gallië met die keiserlike hoofstad [[Augusta Treverorum]] (die huidige Trier) ondergeskik.

 

In die 5de eeu het as gevolg van die Volksverhuising vir 'n kort periode ([[407]]-[[443]]) die Germaanse Boergondiërs en [[Alemanne]] die gebied oorheers; later - ná die Slag van Tolbiacum (Zülpich) in [[496]] het die [[Franke]] die gebied verower.

 

* Baatz, Dietwulf (uitg.): ''Die Römer in Hessen''. 2de oplaag. Stuttgart: Theiss 1989. ISBN 3-8062-0599-X

* Carroll, Maureen: ''Römer, Kelten und Germanen. Leben in den germanischen Provinzen Roms''. Stuttgart: Theiss 2003. ISBN 3-8062-1762-9

{{Romeinse provinsies 120}}

 

[[Kategorie:Romeinse provinsies]]