'''Tradisionele Sjinese karakters''' (Tradisioneletradisionele Sjinees: 繁體字, [[Vereenvoudigdevereenvoudigde Sjinees]]: 繁体字, [[pinyin]]: Fántǐzì) is daardie [[Sjinese karakters]] in enige karakterversameling wat nie die nuut geskape karakters of karaktervervangings wat na 1946 uitgevoer is, bevat nie. Oor die algemeen verwys hierdie beskrywing na die gestandardiseerde karakterversamelings van [[Taiwan]], van [[Hongkong]], en van die [[Kangsji-woordeboek]]. Die moderne fatsoene van die tradisionele Sjinese karakters het die eerste met die opkoms van die [[klerklike skrif]] tydens die [[Han-dinastie]] verskyn en is sedert die [[5de eeu]] en deur die [[Suidelike en Noordelike Dinasties]] min of meer onveranderd. Die [[retroniem]] "tradisionele Sjinees" word gebruik om die tradisionele karakters van die [[Vereenvoudige Sjinese karakters]], 'n gestandardiseerde karakterversameling wat deur die regering van die [[Volksrepubliek van Sjina]] tydens die 1950's op die [[Sjinese Vasteland]] ingevoer is, te onderskei. Tradisionele Sjinese karakters word vandag in [[Taiwan]] (Republiek van Sjina), [[Hongkong]], [[Macau]], en [[Kwangtsjou]] gebruik, alhoewel die aantal gedrukte materiaal in vereenvoudige karakters in [[Australië]], die [[VSA]], en [[Kanada]] aan die groei is om in die behoeftes van die al groterwordende Sjinese Vastelandse diaspora te voldoen. 'n Groot aantal oorsese Sjinese aanlyn koerante laat gebruikers toe om tussen beide karakterversamelings te kies (byvoorbeeld die Sjinese weergawe van ''[[The New York Times]]'').<ref>Sien [http://cn.nytimes.com/ cn.nytimes.com]</ref> Vereenvoudige Sjinese karakters word in die Sjinese Vasteland, [[Singapoer]] en [[Maleisië]] se amptelike publikasies gebruik. Daar heers steeds debat oor die gebruik van tradisionele en vereenvoudige Sjinese karakters onder Sjinese gemeenskappe.
