Kafue-kuilvissie: Verskil tussen weergawes

Die vis het 'n stewige lyf met die dorsale vin agter op die lyf, teenoor die anale vin. Beide vinne is omtrent ewe groot. Die stertvin is groot en bolrond. Die mannetjies se skubbe is bleek blou met breë donker rante; die hele vis lyk meer blou as rooi. Die stertvin se kleur wissel; dit is of rooi met ligblou en swart uitwaartse konsentriese bande of die blou bande kom nie voor nie. Die dorsale vin is lig blou met rooi strepe en patrone op. Die wyfie is eenvoudig bruin van kleur met die skubbe en wange wat 'n ligte silweragtige of blou skynsel het. Die vis word tot 60 mm lank.