Marthinus Versfeld: Verskil tussen weergawes

Content deleted Content added
Skakel
Skakel
Lyn 1:
'''Marthinus Versfeld''' (11 Augustus 1909 - 1995) was 'n Afrikaanse [[filosoof]]. Hy het aan die [[Universiteit van Kaapstad]] studeer en in 1934 sy doktorsgraad aan die [[Universiteit van Glasgow]] behaal. Hy het in 1937 by die departement [[filosofie]] van die [[Universiteit van Kaapstad]] aangesluit en is in 1970 tot professor gepromoveer. In 1987 is 'n eredoktorsgraad aan hom toegeken.
 
Versfeld was 'n internasionaal erkende kenner op middeleeuse filosofie en het verskeie werke oor [[Augustinus]] geskryf. Hy was lief vir die [[kookkuns]] en was die outeur van die gewilde ''Food for Thought: A Philosopher's Cookbook'' wat [[André P. Brink]] beskryf het "''a cookbook as well as a book of profound wisdom and great delight, that transcends our customary systems of thought to become an enquiry into human values''". Hy het ook die Sjinese gedigte van [[Lao-Tse]] vertaal.
 
Die titels van sy boeke in Afrikaans is: ''Klip en klei'' (1968), ''Die buitelewe'' (1970), ''Tyd en dae'' (1982) en ''Die neukery met die appelboom'' (1985). ''Klip en klei'' is ’n versameling van Versfeld se bekendste en mees geliefde opstelle. Hy skryf op ’n meesleurende en dikwels humoristiese manier oor konkrete dinge en die betekenis wat hulle vir ons lewens het. In die eerste opstel, “Oor huise”, beskryf hy hoe hy self ’n huis van klip in die Kouga gebou het. So ’n huis moet by die bewoners daarvan pas, beweer Versfeld, en dit hang af daarvan of jy met jouself tuis is. Versfeld was ook 'n natuurliefhebber en het graag oor bergklim geskryf.