Microsoft .NET Framework: Verskil tussen weergawes

* '''Versoenbaarheid''' - Omdat interaksie tussen nuwer en ou toepassings dikwels vereis word, verskaf die .NET Framework die middele om toegang te verkry tot funksionaliteit wat in programmme buite die .NET omgewing geïmplementeer is. Toegang tot [[Component Object Model|COM]]-komponente word verskaf vanaf die ''System.Runtime.InteropServices''- en ''System.EnterpriseServices'' naamruimtes van die raamwerk en toegang tot ander funksionaliteit word verskaf deur gebruik te maak van die ''Platform Invocation Services'' kenmerke.

* '''Basisklasversameling''' - Die ''Base Class Library'' (BCL) deel van die ''Framework Class Library'' (FCL) is 'n versameling van funksionaliteit wat aan alle tale beskikbaar gemaak word wat die .NET Framework gebruik. Die BCL verskaf klasse wat 'n aantal algemene funksies verpak insluitende die lees en skryf van rekenaarlêers, die verbeelding van grafika, databasis-interaksies en die manipulasie van [[XML]]-dokumente.

* '''Vereenvoudigde Ontplooiïng''' - Die installeer van rekenaarprogrammatuur moet versigtig bestuur word om te verseker dat dit nie inmeng met voorheen geïnstalleerde sagteware nie en dat dit voldoen aan die toenemende streng sekuriteitsvereistes. Die .NET Framework sluit ontwerpskenmerke en hulpmiddele in wat help om hierdie vereistes aan te spreek.

* '''Sekuriteit''' - Die ontwerp is bedoel om sommige van die kwesbaarhede aan te spreek soos onder andere [[bufferoorloop]], wat al voorheen uitgebuit is deur kwaadwillige sagteware. Verder verskaf .NET 'n gemene sekuriteitsmodel vir alle toepassings.

* '''Oordraagbaarheid''' - 'n Ontwerpsdoelwit van die .NET Framework is om neutraal ten opsigte van sy platvorm te wees en dus [[kruisplatvorm]] versoenbaar te wees. Dit wil sê die program wat geskryf is om die raamwerk te gebruik behoort op enige stelsel te kan werk waar die raamwerk geïmplementeer is. Microsoft se kommersiële implementerings van dié raamwerk dek tans Windows, Windows CE en die Xbox 360.<ref>Microsoft het ook voorheen implementerings van .NET 1.0 vrygestel wat op Unix-gebaseerde platvorms kon werk soos [[FreeBSD]] en ook op [[Mac OSX]], maar lisensievereistes het die gebruik daarvan beperk tot opvoedkundige gebruik en is die implementerings nie meer sedert .NET 1.1 beskikbaar nie.</ref> Microsoft lê ook die spesifikasies vir die ''Common Language Infrastructure'' (wat die kern klasversameling, ''Common Type System'' en die ''Common Intermediate Language'' insluit)<ref>[http://www.ecma-international.org/publications/standards/Ecma-335.htm ECMA 335] - Standaard ECMA-335 ''Common Language Infrastructure'' (CLI), 01-06-2006, nagegaan op 19-12-2007, ECMA</ref><ref>[http://standards.iso.org/ittf/PubliclyAvailableStandards/c042927_ISO_IEC_23271_2006(E)_Software.zip ISO/IEC 23271:2006]</ref><ref>[http://www.ecma-international.org/publications/techreports/E-TR-084.htm Tegniese Verslag TR/84 ''Common Language Infrastructure'' (CLI)] - Inligting vanaf Deel IV XML Lêer, 01-06-2006, ECMA</ref> asook die C#<ref>[http://www.ecma-international.org/publications/standards/Ecma-334.htm ECMA-334 C# Rekenaartaalspesifikasie], 01-06-2006, ECMA</ref> en die C++/CLI<ref>[http://www.ecma-international.org/publications/standards/Ecma-372.htm Standaard ECMA-372 C++/CLI Rekenaartaalspesifikasie], 01-12-2005, ECMA</ref> rekenaartale aan beide ECMA en die [[Internasionale Standaarde Organisasie|ISO]] voor, wat hulle as oop standaarde beskikbaar maak. Dit maak dit dus moontlik vir derde partye om versoenbare implementerings van die raamwerk en sy tale op ander platvorms te ontwikkel.