Kartelploegskulpslak: Verskil tussen weergawes

Die '''Kartelploegskulpslak''' (''Bullia natalensis'') is 'n [[ongewerwelde]] slak wat aan die ooskus van [[Suid-Afrika]] voorkom. Die slak se dop het windinge wat afgeplat is met plooie langs die kante. Hulle leef in sanderige gebiede in die brandersone. 'n Kenmerk van die [[spesie]] is dat wanneer die gety inkom, die slak uit die sand kruip, sy voet oopmaak en die branders ry tot op die strand om op dooie diere te aas. Die groot voet word ook gebruik om hom self in die sand te begrawe wanneer die sand terugtrek. Die diertjie vreet deur sy proboskis in die prooi se sagte weefsel in te steek en dit dan op te suig.