Antwerpen: Verskil tussen weergawes

Teen [[1400]] was Antwerpen 'n redelike klein nedersetting met minder as 10 000 inwoners gewees. Oor die volgende paar eeue ondervind dit geweldige groei, en sy bevolking styg na 50 000 in [[1500]] en 100 000 in [[1560]]. Tydens die [[Spanje|Spaanse]] keiser [[Karel V]] se bewind het Antwerpen die belangrikste handelstad noord van die Alpe geword. Saam met die toenemende welvaart het die kulturele lewe ook 'n bloeitydperk beleef.

In die opstand teen Spanje is Antwerpen grotendeels verwoes. Eers is die stad in 1576 in die [[Spaanse]] Furie deur muitende Spaanse huursoldate geplunder, waartydens omtrent 7 000 burgers omgekom het. Hierna het die stad hom by die [[Pasifikasie van Gent]] aangesluit en het hy 'n hoofrol in die anti-Spaanse opstand gespeel. In 1585 word Antwerpen na 'n jaarlange beleg deur Spaanse troepe verower. Die Noordelike Nederlande gereageer hierop deur die Scheldemonding met skepe te versper, en sodoende die oorsese handel in die Antwerpse hawe tot stilstand te bring. Omtrent die helfte van die bevolking verhuis na die Noordelike Nederlandse provinsies. Na raming het die aantal inwoners van 80nbsp;000 na 42nbsp;000 geval. Hierdie migrante uit die Spaans beheerde stad het 'n belangrike bydra gelewer tot die bloeiende handel, kunste en wetenskap gedurende die Noorde se [[Gouden Eeu]].