Drievoudige Entente

Die Tripel Entente (van die Franse woord vir "welwillendheid") was die naam van die alliansie tussen Frankryk, Brittanje en die Russiese Ryk ná die ondertekening van die Anglo-Russiese Entente op 31 Augustus 1907. Die alliansie tussen die drie moondhede, versterk deur ooreenkomste met Portugal en Japan, was ’n kragtige teenpool vir die Tripel Alliansie van die Duitse Ryk, Oostenryk-Hongarye en Italië. (Italië het later in die geheim ’n ooreenkoms met Frankryk aangegaan wat hul alliansie met Duitsland nietig verklaar het.)

Die lede van die Tripel Alliansie, in rooi, en die Tripel Entente, in grys.

Historici debatteer steeds oor die belangrikheid van die alliansiestelsel in die uitbreek van die Eerste Wêreldoorlog. Aan die begin van die oorlog in 1914 het al drie lede van die Tripel Entente hulle as die Geallieerdes geskaar teen Duitsland en Oostenryk-Hongarye, wat deel was van die Sentrale Moondhede.

Hierdie artikel is vertaal uit die Engelse Wikipedia