Gro Harlem Brundtland: Verskil tussen weergawes

'''Gro Harlem Brundtland''', 'n Noorse politikus, is die voormalige Eerste Minister van [[Noorweë]], diplomaat, dokter en voorstander van die beginsel van onderhoubare ontwikkeling.

 

 

== Lewensgeskiedenis ==

Dr Gro Harlem Brundtland is op 20 April 1939 in [[Oslo]], Noorweë gebore. Haar pa was 'n spesialis in rehabilitasiemedikasie en 'n entoesiastiese politieke aktivis wat die Rockefeller-beurs gewen het toe Gro tien jaar oud was. Die gesin het na Amerika verhuis vir die duur van sy studies en ook in Egipte gewoon waar hy as die [[Verenigde Nasies]] se kundige op rehabilitasie gewerk het. Brundtland het besluit om in haar pa se voetspore te volg. Na sy in 1963 by die Universiteit van Oslo as dokter gekwalifiseer het, het sy 'n beurs ontvang na die Harvard Universiteit van Openbare Gesondheid waar sy in 1965 'n Meestersgraad in Openbare Gesondheid behaal het. Hier het sy toenemend bewus geword daarvan dat die tradisionele insigte in menslike gesondheid nie genoegsaam kennis geneem het van die rol van die omgewing en die uitwerking van vinnige menslike ontwikkeling nie.

In 1965 het Dr Brundtland na Oslo en die ministerie van gesondheid teruggekeer, waar sy vir die volgende dekade gewerk het aan aangeleenthede wat gestrek het van borsvoeding tot die voorkoming van kanker. Tussen 1968 en 1974 was sy assistent mediese direkteur by die Oslo Raad van Gesondheid. In 1974 is die pos van minister van die omgewing in die Noorweegse regering aan Brundtland aangebied. Alhoewel sy nie 'n opgeleide omgewingsdeskundige was nie, het haar geloof in die belangrike skakel tussen menslike gesondheid en die omgewing haar oorreed om die pos te aanvaar.

[[Kategorie:Noorse politici]]

[[Kategorie:Premiers]]

 

[[an:Gro Harlem Brundtland]]