Natale Labia Museum: Verskil tussen weergawes

Die '''Natale Labia Museum''' is 'n kunsgalery en veeldoelige kultuursentrum in [[Muizenberg]]. Dit word gehuisves in 'n herehuis met die naam Casa Labia (maar beter bekend as ''The Fort'') by Hoofweg 192 (M4). Weens die 18de eeuse Venesiese boustyl is die gebou iets besonders. In die huis is 18de en 19de eeuse meubels sowel as skilderye van ou meesters en eietydse Suid-Afrikaanse kuns te besigtig. Ook vind daar gereeld wisselende tentoonstellings plaas.

Hierdie huis is in 1929 gebou deur prins Natale Labia (1877-1936) en sy vrou [[Ida Labia|Ida Louise Labia]] (1879-1961) as woonhuis en Italiaanse konsulaat. Die prins was die Italiaanse konsul in [[Kaapstad]]. Sy vrou was die dogter van sir [[Joseph Robinson]]. Na die prins se dood is die huis met sy 20 kamers gebruik as Kanadese en later Argentynse ambassade. In 1985 skenk die erfgenaam, graaf Natale Labia, die huis en sy inhoud aan die staat as 'n museum ter aandenking aan sy ouers. Na 20 jaar is die museum weens geldgebrek gesluit. Nou is dit weer eiendom van die Labia-familie, in sy vorige glorie herstel en voldoen aan die skenkerfamilie se aanvanklike wens.