NG gemeente Lichtenburg: Verskil tussen weergawes

[[Beeld:Diamantwedloop Lichtenburg 1926.jpg|thumb|links|250px|Daar was lank beperkte diamantgrawery langs die Vaalrivier in die Wes-Transvaal aan die gang, maar in 1926 het 'n groot uitbreiding plaasgevind toe diamante op verskeie plekke in die distrik Lichtenburg gevind is. Die vondste was so ryk dat 'n ware stormloop plaasgevind het en duisende kleims afgepen is. Dié foto is geneem die dag voor die delwers se wedloop om kleims af te pen op die delwerye van Elandsputte, Lichtenburg.]]
Dit was onder hierdie leraar dat Lichtenburg geweldige veranderinge ondergaan het. Die delwerye, sowat 20 km noord van die dorp, het in 1926 oopgegaan en tienduisende mense saamgetrek. In 'n oogwink het die nood, geestelik en finansieel, hoog gestyg. Selfs die Sinodale Armesorgkommissie moes finansieel die hand uitsteek, terwyl leraars van die omliggende gemeentes hulle die geestelike nood aangetrek en gehelp het. Permanente arbeiders soos di. P.L. Lourens en D.N.J. du Toit, bygestaan deur mes. Cillié en Kotze, het hulle hande meer as vol gehad met die geestelike bearbeiding. Kerkgeboue van sink is oral opgerig en alles was spoedig onder beheer. Maar so snel as wat die toestroming was, so vinnig het die ontvolking weer plaasgevind toe die delwerye uitgewerk raak sodat daar selfs al teen 1950 nouliks 300 gevestigde delwers oorgebly het.